IZindaba Ezingokwasezulwini

◼ Ngo-October kwanikezelwa amaHholo OMbuso amane okuqala kulo nyaka wenkonzo omusha. AmaHholo amasha amathathu anikezelwe ngelaseCeres (eNtshonalanga Kapa), elaseSobabili nelasePisgah (eduze kwaseMtshezi, KwaZulu-Natal). IHholo LoMbuso lasePhalaborwa (eSifundazweni SaseNyakatho) lanikezelwa kabusha ngemva kokuba kuphothulwe umsebenzi omkhulu wokulungiswa kwalo.

Ngemva kokuqeda amahholo angu-60 ngempumelelo phakathi nonyaka wenkonzo odlule, amaKomiti Okwakha Ezifunda angu-23 ahlose ukuqeda amahholo ayikhulu kulo nyaka wenkonzo. Siwacelela isibusiso sikaJehova esicebile nesiqondiso sakhe emizamweni yawo, futhi sikhuthaza abengeziwe ukuba bakucabangele ngomthandazo ukuwasiza. Siza ugcwalise ifomu le-Kingdom Hall Construction Worker Questionnaire (S-82) ongalithola kunobhala webandla lakini.