IMihlangano Yezizwe Ngo-1998

Njengoba kwamenyezelwa ngoMgqibelo, October 5, 1996, emhlanganweni waminyaka yonke we-Watch Tower Bible and Tract Society of Pennsylvania, iNdikimba Ebusayo ihlela ukuba kube nemihlangano yezizwe ngo-1998. Njengoba eminye imihlangano yesigodi evamile iyobe ikhona, kuyoba nemihlangano yezizwe eNyakatho Melika nase-Afrika, e-Asia, eYurophu, eLatin America, endaweni yaseCaribbean naseNingizimu Pacific.

Kuyoba neminingana yalemihlangano ekhethekile eNyakatho Melika, futhi kuyomenywa izihambeli ezivela kuwo wonke umhlaba. Futhi singakulindela ukuba nezithunywa zevangeli kulemihlangano. Izithunywa zevangeli kanye nabanye abasenkonzweni ekhethekile kwamanye amazwe abakufanelekelayo, bayomenywa ukuba babe komunye walemihlangano emikhulu eyoba sezweni lakubo noma ezweni eliseduze nelakubo.

Igatsha ngalinye lizokwazisa amabandla ngokuthi abamemezeli bamenyelwe ukuba semhlanganweni wezizwe ozokuba kuliphi idolobha. Kuzothunyelwa nokwaziswa okuphathelene nezinsuku nanokuthi imaphi amalungiselelo enzelwe izihambeli ezikhethiwe. Labo bamemezeli abakucabangelayo ukufaka izicelo zokuba izihambeli ezizokhethwa bangabe beqala ukulondoloza enye yemali yabo belindele lezi zenzakalo ezikhethekile.