Uhlobo Oluhle Kakhulu Lothando

EZINDAWENI eziningi kakhulu emiBhalweni YamaKristu YesiGreki, noma eThestamenteni Elisha, igama elithi “uthando” lihumusha igama lesiGreki elithi a·gaʹpe.

Lapho ichaza incazelo yalelo gama, incwadi i-Insight on the Scripturesa ithi: “[I-a·gaʹpe] ayiwona umuzwa nje, osekelwe ekusondelaneni nje kwabantu, njengoba kuvame ukucatshangwa kanjalo, kodwa iwuthando olusekelwe ekuvumeni ngokuzithandela ukwenza okuthile ngoba kuyisimiso, isibopho, into efanele; iwuthando olufunela abanye okuhle ngobuqotho ngokuvumelana nokulungile. I-a·ga’pe (uthando) iyabunqoba ubutha phakathi kwabantu, ingabuvumeli ukuba bubangele umuntu ashiye izimiso ezilungile aphindisele ngendlela efanayo.”

I-a·ga’pe ingahlanganisa nemizwa ejulile. Umphostoli uPetru wayala wathi: “Yibani nothando [a·ga’pe] olukhulu ngomunye nomunye.” (1 Petru 4:8) Ngaleyo ndlela, kungashiwo ukuthi i-a·ga’pe ihilela inhliziyo kanye nengqondo. Ake ucabangele eminye yemiBhalo ebonisa amandla nobubanzi balolu hlobo oluhle kakhulu lothando. Le miBhalo elandelayo ingakusiza: Mathewu 5:43-47; Johane 15:12, 13; Roma 13:8-10; Efesu 5:2, 25, 28; 1 Johane 3:15-18; 4:16-21.

[Umbhalo waphansi]