Bayalisebenzisa Igama Laphezulu ENkabeni Ye-Afrika

ININGI labantu eNkabeni Ye-Afrika liyakholelwa kuNkulunkulu. Alikungabazi ukuthi unguMdali wazo zonke izinto. (IsAmbulo 4:11) Nokho, njengabanye abantu abaningi kwezinye izindawo, bavame ukulishaya indiva igama lakhe—elithi Jehova.

Abantu eNkabeni Ye-Afrika nakwezinye izingxenye zomhlaba basuke bebhekisela egameni likaNkulunkulu lapho bethi, “Malingcweliswe igama lakho” eMthandazweni WeNkosi. (Mathewu 6:9) Kodwa kwaba yisikhathi eside bembalwa abalaziyo lelo gama. Nokho, njengoba iminyaka iqhubeka, umsebenzi wokushumayela ngentshiseko woFakazi BakaJehova uye wasishintsha isimo sengqondo sabantu mayelana nokusebenzisa igama laphezulu. Namuhla, igama laphezulu laziwa kabanzi futhi liyamukelwa ezilimini eziningi zase-Afrika, ezinjengesiZulu (uJehova), isiYoruba (Jehofah), isiXhosa (uYehova) nesiSwahili (Yehova). Noma kunjalo, izinguqulo eziningi zeBhayibheli zalezi zilimi zisakugwema ukusebenzisa leli gama laphezulu.

Inguqulo ehunyushwe kahle elisebenzisayo leli gama laphezulu yiBhayibheli lesiZande, ulimi olukhulunywa ezingxenyeni ezithile zaseCentral African Republic, eSudan, naseDemocratic Republic of Congo. Kuleyo ngxenye yomhlaba, abantu bayalisebenzisa igama likaNkulunkulu, balibhale ngokuthi Yekova ngolimi lwabo lomdabu. Kungakhathaliseki ukuthi igama laphezulu libizwa kanjani ngolimi lomdabu, kubalulekile ukulisebenzisa. Ngani? Ngoba “wonke umuntu obiza igama likaJehova uyosindiswa.”—Roma 10:13.

[Ibalazwe/Isithombe ekhasini 32]

(Ukuze ubone ukuthi indaba ihlelwe kanjani, bheka encwadini)

SUDAN

CENTRAL AFRICAN REPUBLIC

DEMOCRATIC REPUBLIC OF CONGO

[Umthombo]

The Complete Encyclopedia of Illustration/J. G. Heck