Isenzakalo Okungafanele Sikuphuthele

“Zonke izipho ezinhle nazo zonke izipho eziphelele” zehla zivela kuNkulunkulu, uBaba wethu osezulwini.—Jakobe 1:17.

ISIPHO esikhulu kunazo zonke uNkulunkulu aye wasinika isintu esinesono yilungiselelo lokuba sisindiswe ngeNdodana yakhe ezelwe yodwa, uJesu Kristu. Ukufa kukaJesu, uMhlengi wethu, kusenza sikwazi ukuphila phakade emhlabeni oyipharadesi. KuLuka 22:19, siyayalwa ukuba sikwenze isikhumbuzo ukufa kwakhe.

OFakazi BakaJehova bakumema ngokufudumele ukuba uhlanganyele kanye nabo lapho belalela lo myalo kaJesu. Lo mkhosi waminyaka yonke uzogujwa ngemva kokushona kwelanga ngosuku oluqondana no-Nisan 14 ekhalendeni leBhayibheli—okuyiSonto, ngo-April 8, 2001. Luphawule lolu suku ukuze ungalukhohlwa. OFakazi BakaJehova basendaweni yakini bangakutshela indawo okuyohlanganwa kuyo nesikhathi.