Yabuyisela Izindandatho Eminweni Yabo

“BHEKA iminwe yami. Kukhona okuhlukile okubonayo?” Indoda yalulela isandla kowesifazane ongomunye woFakazi BakaJehova, wasibuka futhi waqaphela ngokushesha ukuthi indandatho yayo yomshado yayingekho. Wachaza ukuthi yena nomkakhe banqume ukuba bafake isehlukaniso ngoba bengasezwani. “Kahle bo!” kusho uFakazi. “Thatha le ncwadi uyifunde. Izokusiza emshadweni wakho.” Wamnikeza ikhophi yencwadi esekelwe eBhayibhelini ethi Ulwazi Oluholela Ekuphileni Okumi Phakade.a

Ngemva kwezinsuku ezimbalwa le ndoda yabuyela kuFakazi ijabule. Yambonisa isandla sayo. Manje yayisifake indandatho yayo yomshado. Yamtshela ukuthi yona nomkayo bafunde incwadi Ulwazi nokuthi manje bajabule kakhulu. Incwadi yayizibuyisele ngokoqobo izindandatho eminweni yabo.

Iseluleko seBhayibheli singasiza indoda nomfazi ukuba babonisane uthando lwangempela. Lokho kunjalo ngoba umlobi weBhayibheli nguMdali wethu, othi: “NginguJehova uNkulunkulu wakho okufundisile okukusizayo, okuholile ngendlela omelwe ukuhamba ngayo.”—Isaya 48:17.

[Umbhalo waphansi]