Funda Nezingane Zakho

Ngokukamagazini waseBrazil i-Veja, izingane zabantu abakukhuthalele ukufunda zisethubeni elengeziwe lokuthanda izincwadi kunezingane ezintula isibonelo esinjalo sokufunda ekhaya. UMartha Hoppe, uchwepheshe ekukhuleni kwezingane uthi: “Ukufunda okuhlanganyelwayo kuqinisa ukusondelana kwabazali nezingane futhi kwenza ingane ikuqonde kangcono okuqukethwe incwadi.”

Ukufundela izingane zakho ngokuzwakalayo kukunika nethuba lokuphendula imibuzo. Ungaxoxa nganoma imuphi umfanekiso ohambisana nendaba. UHoppe uyaphawula: “Lapho ingane ikuqonda ngokwengeziwe okuqukethwe izincwadi, iyoshukumiseleka ngokwengeziwe ukuba izifune uma ifuna ukwanelisa ukulangazelela kwayo ukwazi.”

Abazali abaningi phakathi koFakazi BakaJehova bayakujabulela ukufunda nezingane zabo. Bangase bafunde izincwadi ezifana nethi INcwadi Yami Yezindaba ZeBhayibheli, Ukulalela UMfundisi OMkhulu nethi Umuntu Omkhulu Kunabo Bonke Owake Waphila.a Izincwadi ezinjengalezi azigcini ngokusiza izingane ukuba zifunde kahle kodwa zandisa nesithakazelo sazo encwadini ethengiswa kakhulu emhlabeni—iBhayibheli Elingcwele. Ngakho-ke, uma ungumzali, bekela izingane zakho isibonelo ngokuba umfundi oshisekayo weZwi likaNkulunkulu. (Joshuwa 1:7, 8) Futhi zinike nakanjani isikhathi sokuzifundela!

[Umbhalo waphansi]