Ingabe UNkulunkulu Ubusa Izwe?

KUSEKUSENI ngeSonto. Abantu abaningi bayavuka, bagqoke, badle ukudla kwasekuseni, futhi baphuthume esontweni. Lapho, balalela intshumayelo ephathelene nendlela uNkulunkulu abusa ngokuphakeme ngayo phezu komhlaba, enegunya elingenakubangiswa. Batshelwa ukuthi ubakhathalela ngokujulile abantu. Kubhekiselwa futhi nakuJesu Kristu. Bangase bezwe ukuthi uyiNkosi yamakhosi amadolo onke aguqa kuye ngokulalela.

Lapho befika ekhaya bevela esontweni, laba bantu bangase bavule ithelevishini futhi babheke izindaba. Manje bezwa ngendlala, ubugebengu, ukusetshenziswa kabi kwezidakamizwa, ubumpofu. Futhi babona izithombe ezibangela usizi eziphathelene nezifo nokufa.

Abantu abanjalo bangase baqale ukuzibuza ngezinto abazizwe esontweni futhi ikakhulukazi ngezindaba ezingazange zichazwe lapho. Uma uNkulunkulu enothando futhi enamandla onke, kungani kwenzeka izinto ezesabekayo? Futhi kuthiwani ngoJesu Kristu? Kusobala ukuthi kunamadolo amaningi angaguqi ukuze bamlalele.

[Isithombe ekhasini 3]

Uma uNkulunkulu ebusa izwe, kungani kunokuhlupheka nesiyaluyalu esingaka?

[Umthombo Wesithombe ekhasini 2]

Cover: NASA photo