‘Incwadi IhIala Inyamalala’

Yilokho uthishelakazi wasesikoleni esiphakeme eningizimu California, eU.S.A., akushoyo ngencwadi ethi Intsha Iyabuza—Izimpendulo Ezisebenzayo. Isikole samisa isikhathi sokufunda sansuku zonke okwakuzothi ngaso abafundi bafunde noma yini abayithandayo. Wakhipha izincwadi, kuhlanganise nencwadi Intsha Iyabuza, ukuze zifundwe abafundi ababengezanga nalutho lokufunda.

Uyachaza: “Lencwadi iye yaba ethandwa kakhulu ekilasini. Inyamalala amahora amaningana ngesikhathi, noma ngisho usuku noma ezimbili, bese ibuya. Abafundi babuza abangane babo, ‘Ingabe uyifundile lena?’ noma baphawule, ‘Incwadi emnandi leyo.’ Ngemva kokubonisa abangane babo izinto ezithile, babuyela emuva bafunde okwengeziwe.

“Amakhasi ayapheqwa, futhi incwadi isibonisa izimpawu zokuguga. Isahluko esiguge kakhulu isahluko 23, esithi ‘Kuthiwani Ngobulili Ngaphambi Komshado?’ Abafundi bayazithanda izithombe, futhi bakwazi kahle okushiwo amazwi alotshwe ngezansi kwazo. Ngabona omunye umfundi efunda isahluko esithi ‘Kungani UBaba NoMama Bahlukana?’

“Ngemva kwesikhashana incwadi.yokuqala yanyamalala, ngakho ngakhipha enye. Ngemva kwalokho eyokuqala yabuya, ngakho manje sezimbili. Sekudlule izinyanga ezintathu noma ezine selokhu ngakhipha incwadi yokuqala, futhi lezincwadi zisafundwa.”

Ezinye izahluko eziphakathi kwezingu-39 ezikulencwadi zithi “Ngingazenzela Kanjani Abangane Beqiniso?” “Kubaluleke Kangakanani Ukubukeka?” nesithi “Ngazi Kanjani Uma Kuwuthando Lwangempela?” Uma ungathanda ukuthola ikhophi yalencwadi enemifanekiso ekhangayo, siza ugcwalise bese uthumela lesigqebhezana esingezansi.

Ngingathanda ukuthola incwadi enoqwembe oluqinile enamakhasi angu-320 ethi Intsha Iyabuza—Izimpendulo Ezisebenzayo. (Ngaphandle kwaseR.S.A., bhalela igatsha leWatch Tower elisendaweni yakini ukuze uthole ukwaziswa. Bheka ikhasi 2.)