Ngingabhekana Kanjani Nokucindezela Kontanga?

Incwadi evela esikhulwini samaphoyisa eChicago ibonisa ukubaluleka kokwazi impendulo. Siyabhala:

“NgoJanuary 15, 1990, ngangihlola isiboshwa esineminyaka engu-18 esasibuyiswe eChicago sisuka eMississippi ngemvume yababaleki. Ingxenye yokuhlola iwukuthatha yonke impahla yesiboshwa. Sasinencwadi ethi Intsha Iyabuza ezimpahleni zaso.

“‘Uyifundile lencwadi?’ ngibuza.

“‘Yebo,’ siphendula, ‘ngenkathi ngibhace eMississippi, ngangisebenza epulazini, futhi oFakazi BakaJehova ababili banginika lencwadi.’ Sabe sesiyakhala, siba nesilokozane esicishe singalawuleki. Njengoba sikhala, sathi: ‘Lencwadi ngiyifunde izikhathi eziningi, futhi isihloko engisifunda ngiphindelela esithi “Ngingabhekana Kanjani Nokucindezela Kontanga?”‘ Sanezela: ‘Ukuba nje lokhu kwaziswa ngangikuthole eminyakeni emithathu noma emine edlule, bengingeke ngibe lapha namuhla.’

“Isiboshwa sahanjiswa, futhi ngafunda umbiko wamaphoyisa kanye nokuvuma esasikunikeze amaphoyisa. Kuwona sathi: ‘Umholi weqembu lethu wangitshela ukuba ngehle ngomgwaqo ngifike ngidubule ilungu leqembu eliphikisana nathi elalithengisa icocaine endaweni yakithi. Ngenza lokho engangikutsheliwe. Ngangesaba ukuthi amanye amalungu ayezocabanga ukuthi anginaso isibindi. Ngangifuna ukwamukelwa.”

Mhlawumbe nawe uye wazibuza imibuzo enjengokuthi: Ngingabhekana kanjani nokucindezela kontanga? Ingabe kumelwe ngisiyeke isikole? Ngingabenqaba kanjani ubulili bangaphambi komshado? Kungani kumelwe ngenqabe izidakamizwa? Lezi kungezinye nje zezihloko ezikhulunyelwa encwadini ethi Intsha Iyabuza—Izimpendulo Ezisebenzayo. Uma uthanda ukuthola ikhophi yalencwadi enamakhasi angu-320 enemifanekiso ekhangayo, size ugcwalise lelikhuphoni bese ulithumela.

Ngingathanda ukuthola incwadi enoqwembe oluqinile ethi Intsha Iyabuza—Izimpendulo Ezisebenzayo. (Ngaphandle kwaseR.S.A., bhalela igatsha leWatch Tower lasendaweni yakini ukuze uthole ukwaziswa. Bheka ikhasi 2.)