Kungani UJehova Embulé Igama Lakhe?

Encwadini ekhulumela “iTestamente Elidala” eyakhishwa ePoland ngo-1964 yaphendula lombuzo ngendlela eshukumisa ingqondo kakhulu. Ngemvume yeSonto LamaRoma Katolika, uDkt. Stanisław Łach, onguprofesa eYunivesithi yaseLublin, waphawula:

“Abantu abahlengiwe banomthwalo wemfanelo wegama likaNkulunkulu esintwini.” Kwakungumthwalo wemfanelo wamaIsrayeli ukwenza imizamo yokuba “abezizwe babusise igama likaJahwe [Jehova] nokuthi bangalihlambalazi.” “Elithi Jahwe linencazelo . . . Izwe liyokwahlulelwa ngendlela elisabela ngayo kulabo abafakazela lelogama.” Loprofesa wathi “igama elithi Jahwe liyoba likhulu phakathi kwezizwe . . . Liyosakazeka emhlabeni wonke. Yilokho elalimiselwe khona . . . lelogama kuMose.”

Yebo, njengoba uMalaki 1:11 eprofetha: “Igama lami likhulu phakathi kwezizwe, usho uJehova-Sebawoti.” Obani-ke namuhla abamemezela lelogama emhlabeni wonke yikhona ‘wonke umuntu obiza igama likaJehova ezosindiswa?’ OFakazi BakaJehova! Ukusabela komphakathi ‘kulabantu begama lakhe,’ yebo, “labo abafakazela lelogama,” kuyindaba yokufa nokuphila kubo. Usabela kanjani kuJehova nakoFakazi bakhe?—IzEnzo 2:21; 15:14; qhathanisa noMalaki 3:16-18.