OFakazi Bayashumayela ERashiya

Ekulandeleni kwabo umyalo wakhe woku‘shumayela izindaba ezinhle zombuso kuwo wonke umhlaba,’ uKristu waxwayisa abalandeli bakhe ngokuthi bayo‘nizingela, baniyise ematilongweni.’ Kodwa, isigijimi sombuso siyoqhubekela phambili ngisho nasemazweni anjengeSoviet Union lapho iphephandaba lakhona iSovietskaya Kirghizia lakhononda ngokuthi kusukela ngawo-1940 oFakazi BakaJehova baye bashumayela ngaphansi “kokufihla okukhulu.”—Mathewu 24:14; Luka 21:12.

OFakazi abatholakala beshumayela eRashiya bayaboshwa. Ngokwesibonelo, ISovietskaya Kirghizia yabika ukuthi omunye woFakazi BakaJehova wajeziselwa ukusakaza amaphepha enkolo erepublic yaseSoviet yaseKirghizia. Ngokombiko, uFakazi watholakala eshayela imoto eyayithwele amaplates okunyathelisa namakhulu ezincwajana zenkolo ezikhishwe oFakazi. Kodwa, naphezu kokusabela okwamukelwe, “ivangeli limelwe ukushunyayelwa.”—Marku 13:10.