Imihlangano Yesigodi “Yobunye BoMbuso”
“UBUNYE BOMBUSO.” Yeka isihloko esihle nesifanelekayo semlhlangano yethu yesigodi ka-1983! Akukaze kube nokwehlukana okukhulu kangaka emhlabeni. Izinhlangano zenkolo, kokubili ezamaKatolika namaProthestani, zigcwele ukungezwani nokulwa. Amaqembu ezombangazwe abambene ngezihluthu. Akukaze kube nesiphithiphithi esingaka emphakathini wezamabhizinisi noma wezentengiselwano njengoba kunjalo manje. Akukaze kwenzeke ngaphambili ukuba umkhaya ugcwale ukwehlukana njengoba indoda nomfazi belwa, bedubana futhi bedivosana. Futhi kwake kwenzeka nini ukuba kube nomhosha wesizukulwane ongaka njengasezikhathini zamanje, lapho abazali nabantwana behlukana phakathi?
Ngokwehluke ngokuphelele kukho konke lokhu kunenhlangano kaJehova ebonakalayo, indikimba yofakazi bakaJehova abangamaKristu. Bamunye, bafinyelela enanini lezi-2 400 000, nakuba besakazeke emazweni angama-205 neziqhingi zezilwandle. Obabo ubunye obunqoba imigoqo yobuzwe, yolimi, nemigoqo yobuhlanga, nimigoqo yempucuko neyomnotho. Yini eye yabahlanganisa? Ukukhulekelwa okumsulwa kukaJehova uNkulunkulu.—Zefaniya 3:9.
Yileyondlela okumelwe kube yiyo phakathi kwabalandeli bakaKristu beqiniso, ngoba yini umphostoli uPawulu ayibhalela abaseKorinte kwabo-1 Korinte 1:10? Ukuba ‘bakhulumezwilinye bonke, kungabibikho ukwahlukana phakathi kwabo, kodwa bapheleliswe emqondweni munye nasekuboneni kunye.’ Ngoku fanayo kwabaseFilipi 3:15, 16 weluleka ukuba asebevuthiwe babe nesimo sengqondo esifanayo. Futhi ingabe ubunye akumelwe bube uphawu lwabalandeli bakaKristu beqiniso ngenxa yamazwi akhe okuthi onke amaKristu eqiniso ayobonakala ngokuthandana? Ngokuqinisekile, uthando lwenza ubunye.—Johane 13:34, 35.
Eqinisweni lobobunye babikezelwa kuIsaya 52:8, ngalamazwi: “Izwi labalindi bakho, bayaliphakamisa izwi, bajabule kanye kanye, ngokuba bayakubona iso neso lapho uJehova ebuyela eSiyoni.” Amaqiniso asobala abonisa ukuthi ukubuyiselwa kweSiyoni kwaqala ngo-1919.
Akuyona neze into elula ukugcina lobu bunye. Lokhu kungenxa yolaka lukaSathane olukhulu, azi ukuthi unesikhathi esifushane, nangenxa yokuwohloka kwezindinganiso zenkolo nezokuphila osukwini lwethu. (IsAmbulo 12:9, 12) Ukudla okungokomoya okuyophathwa kulemihlangano yalonyaka ngokuqinisekile kuyoqinisa ukuzimisela kwazo zonke izinceku zikaJehova ukuba zinciphise ubuthakathaka bobuntu, amaphutha nokungapheleli ngenxa yesithakazelo egameni likaJehova uNkulunkulu nomsebenzi. Lesisimiso esihle somhlangano siyoqala ngoLwesine ntambama siqhubeke size siphele ngeSonto ntambama. Siyoba ngesifika ngesikhathi nesakhayo, futhi ngokungangabazeki sonke siyosuka emhlanganweni sihlonyiswe kangcono ukuba sikhonze uJehova uNkulunkulu ngobunye nabazalwane bethu nangokuzimisela okukhulu ukuba benze kanjalo.