Isethulo Sengxenye 14
AmaKristu okuqala ashumayela izindaba ezinhle zoMbuso nasezindaweni ezikude kakhulu zomhlaba. UJesu wawanika umyalo wokuba ashumayele futhi ngokuyisimangaliso wawenza akwazi ukushumayeza abantu ngezilimi zabo. UJehova wawanika isibindi namandla okumelana noshushiso olunzima.
UJesu wanika umphostoli uJohane umbono wenkazimulo kaJehova. Komunye umbono, uJohane wabona uMbuso wasezulwini unqoba uSathane futhi ukuqeda ngokuphelele ukubusa kwakhe. UJohane wabona uJesu ebusa njengeNkosi kanye nababusi abakanye naye abangu-144 000. UJohane wabona umhlaba wonke uba yipharadesi elinabantu abakhonza uJehova ngokuthula nangobunye.