Isibonelo Esihle—UThimothewu

UThimothewu usezolishiya ikhaya—hhayi ngoba ebalekela umkhaya wakubo kodwa ukuze ahambe nomphostoli uPawulu emsebenzini wezithunywa zevangeli! Cishe njengoba esecela emashumini amabili eminyaka, uThimothewu useyinsizwa enemithwalo yemfanelo, ‘ekhulunyelwa kahle abazalwane eListra nase-Ikoniyu.’ (IzEnzo 16:2) UPawulu uyaqiniseka ngokuthi uThimothewu angafeza izinto ezinkulu enkonzweni kaNkulunkulu. Futhi uyazifeza! Eminyakeni elandelayo, uThimothewu uhamba amabanga amade, akhe amabandla futhi aqinise abazalwane. Izimfanelo zakhe ezinhle zimenza athandeke kuPawulu, otshela abaseFilipi ngemva kweminyaka engu-11: “Anginaye omunye onesimo esinjengesakhe oyozinakekela ngobuqotho izinto eziphathelene nani.”—Filipi 2:20.

Ingabe uyazenza utholakale ukuze usetshenziswe enkonzweni kaNkulunkulu? Uma kunjalo, yeka izibusiso eziningi ezikulindele! UJehova ubazisa ngempela abantu abasha ‘abazinikela ngokuzithandela.’ (IHubo 110:3) Ngaphezu kwalokho, ungaqiniseka ukuthi uJehova uNkulunkulu ‘akayena ongalungile ukuba akhohlwe umsebenzi wakho.’—Hebheru 6:10.