Isibonelo Esihle—URuthe

Umfelokazi onguRuthe ungowesifazane oqotho. Ukhethe ukuhlala eseduze nomamezala wakhe osekhulile, uNawomi, kunokuba aphindele emzini wakubo aphile ngokunethezeka. Nakuba lesi sinqumo simnciphisela amathuba okuthola umuntu azoshada naye, uRuthe akazicabangeli yena kuphela. Uthando analo ngoNawomi nesifiso sokuba nabantu bakaJehova kusho okukhulu kuye kunokumane nje anelise isifiso sakhe sokushada.—Ruthe 1:8-17.

Ingabe ucabangela ukushada? Lingisa uRuthe. Bheka ngalé kwemizwa yakho, uzibuze ukuthi iziphi izimfanelo ezinhle oyozibonisa kumuntu ozoshada naye. Ngokwesibonelo, ingabe uqotho futhi uyazidela? Ingabe uyazivumelanisa nezimiso zikaNkulunkulu, ngisho nalapho ukungapheleli kukwenza ufune ukuzephula? URuthe akazange ashe amashushu efunana nomuntu ozomshada. Nokho, ngokuhamba kwesikhathi wathola indoda evuthiwe eyayinezimfanelo ezinjengezakhe—ngaphezu kwakho konke, eyayithanda uNkulunkulu. Kungenzeka okufanayo nakuwe.