Bonisa Uthando Lwakho NgoNkulunkulu

Ukuze ulondoloze umngane, kudingeka uxoxe naye. Uyamlalela naye akulalele. Ukhuluma izinto ezinhle ngomngane wakho kwabanye. Kunjalo nangokuba umngane kaNkulunkulu. Cabangela lokho iBhayibheli elikushoyo ngalokhu:

Xoxa noJehova njalo ngomthandazo. “Phikelelani emthandazweni.”—Roma 12:12.

Funda iZwi likaNkulunkulu, iBhayibheli. “Yonke imiBhalo iphefumulelwe uNkulunkulu futhi inenzuzo yokufundisa, yokusola, yokuqondisa izinto.”—2 Thimothewu 3:16.

Fundisa abanye ngoNkulunkulu. “Hambani niyokwenza abantu bazo zonke izizwe babe abafundi, . . . nibafundise ukugcina zonke izinto enginiyale ngazo.”—Mathewu 28:19, 20.

Sondelana nabangane bakaNkulunkulu. “Ohamba nabahlakaniphileyo uyohlakanipha.”—IzAga 13:20.

Yiba khona emihlanganweni eHholo LoMbuso. “Masicabangelane ukuze sivuselelane othandweni nasemisebenzini emihle, . . sikhuthazane.”—Heberu 10:24, 25.

Siza ekusekeleni umsebenzi woMbuso. “Yilowo nalowo [makaphe] njengoba nje enqumile enhliziyweni yakhe, kungabi ngokungathandi noma ngaphansi kokucindezelwa, ngoba uNkulunkulu uthanda umuphi onamileyo.”—2 Korinte 9:7.