Umkhulu Wakhe Wayesanda Kushona

● Indoda ethile yabhalela ihhovisi legatsha loFakazi BakaJehova eliseMexico, yathi, “Angiyena omunye woFakazi BakaJehova kodwa ngiyabathanda omagazini benu. Omunye wabo ukhulume ngencwajana ethi Lapho Ufelwa Othandekayo. Le ncwajana iye yangikhanga. Kuqondane nokuthi umkhulu usanda kushona. Ngingathanda ukuthola ezingu-8 zalezi zincwajana ngizinike umndeni wami ukuze ngiwududuze.”

Incwajana ethi Lapho Ufelwa Othandekayo inezimpendulo zemibuzo enjengethi: Ngingaphila kanjani nosizi engikulo? Nothi, Likhona yini ithemba ngabafileyo? Inikeza incazelo yeBhayibheli ngokuthi kuyini ukufa nokuthi lithini iBhayibheli ngesimo sabafile. Ikhuluma nangesithembiso sikaNkulunkulu asenze ngoJesu Kristu, sokuvusela abantu ekuphileni emhlabeni ohlanziwe noyipharadesi.

Ungacela ikhophi yale ncwajana ngokugcwalisa isigqebhezana esingezansi bese usithumela ekhelini elifanele kwasekhasini 5 lalo magazini.

□ Angizibophi kodwa ngicela ikhophi yencwajana eboniswe lapha.

□ Ngicela ningithinte mayelana nesifundo seBhayibheli samahhala.