Ikhasi 2

Ukukhulisa Izingane Ezikwazi Ukuzimela

Cishe kuyinto yokugcina abazali abangathanda ukuyicabanga uma bebheka umntwana wabo osanda kuzalwa. Kodwa leli yiqiniso elisobala: Ngolunye usuku lolo sana luyoba ngumuntu omdala okuyodingeka azimele. Kuyoba njengoba nje kwakudaliwe, ngoba iBhayibheli lithi “indoda iyoshiya uyise nonina.” (Genesise 2:24) Kungashiwo okufanayo nangentombi.

Noma kunjalo, ngalolo suku lwezinyembezi nenjabulo lapho indodana noma indodakazi esikhulile ihamba ekhaya, abazali abaningi bayakhathazeka. Bayazibuza, ‘Ingabe ngiyikhulise kahle ingane yami?’ ‘Ingabe iyokwazi ukubambelela emsebenzini, ukukhokhela indawo yayo yokuhlala noma ukuphila ngemali enayo?’ Okubaluleke nakakhulu, ‘Ingabe ingane yami iyophila ngezimiso esiye sazama ukuzigxilisa kuyo?’—IzAga 22:6; 2 Thimothewu 3:15.

Lo magazini okhethekile we-Phaphama! uzobonisa ukuthi iseluleko seBhayibheli singabasiza kanjani abazali esigabeni ngasinye sokukhula kwengane.