‘Iqukethe Amagugu’

Yileyo ndlela umqondisi wesikhungo esinakekela asebegulela ukufa e-Illinois, e-U.S.A, ayichaza ngayo incwajana ethi Lapho Ufelwa Othandekayo. Omunye woFakazi BakaJehova wayemthumelele le ncwajana kanye nomagazini i-Phaphama! ngeposi ngoba lo Fakazi wayethole ngokufunda i-Phaphama! ukuthi izinga lokuzibulala laliphakeme kubantu asebekhulile. Lapho umqondisi walesi sikhungo ethola lezi zincwadi, waphendula ngokushesha.

Ngemva kokuba umqondisi walesi sikhungo ephawule ukuthi incwajana ethi Lapho Ufelwa Othandekayo yayiqukethe amagugu, wabhala: “Ngingakujabulela ukuyitholela . . . imikhaya eyoduduzwa ukuhlakanipha kwayo okuwusizo kanye nezikhombo namaphuzu ayo avela eBhayibhelini.”

Lo Fakazi ngokushesha wathinta umqondisi ngocingo wahlela ukumvakashela mathupha. Umqondisi wacela amakhophi angu-20 encwajana wacela nokuba kuxhunyanwe nalesi sikhungo njalo ngemva kwezinyanga ezimbili kuya kwezintathu ukuze bathole amakhophi amasha.

Mhlawumbe nawe noma othile omaziyo uzothola induduzo ngokufunda le ncwajana enamakhasi angu-32. Ungacela ikhophi ngokugcwalisa lesi sigqebhezana bese usithumela ekhelini eliboniswe kuso noma ekhelini elifanele kwasekhasini 5 lalo magazini.

□ Angizibophi kodwa ngicela ningilethele ikhophi yencwajana ethi Lapho Ufelwa Othandekayo.

Bonisa ulimi.

□ Ngicela ningithinte mayelana nesifundo seBhayibheli sasekhaya samahhala.