Ikhasi Lesibili

“CISHE ingxenye eyodwa kwezinhlanu yezakhamuzi zomhlaba iyintsha ephakathi kweminyaka engu-15 nengu-24.” Yabika kanjalo iUN Chronicle. Kwalinganiselwa ukuthi ekuqaleni kwalelishumi elisha leminyaka, inani lentsha yomhlaba lalifinyelela izigidi eziyinkulungwane! Intsha yanamuhla iyaqapheleka—iyibutho elinamandla okumelwe licatshangelwe.

IPsychology Today yabika ngokuhlola okwenziwa entsheni eyeve eshumini elinambili engu-6 000 emazweni ayishumi ahlukahlukene. Kwatholakala ukuthi naphezu komehluko omkhulu ezimweni ezingokomnotho nezingokwesiko, intsha ibonisa izimo zengqondo nezimiso zokuziphatha “ezifana ngokuphawulekayo.” Kulokho kuhlola, kuye kwavela isimo somhlaba wonke sentsha yanamuhla, futhi lokho esikwembulayo kungakumangaza ngokufanelekile.