Ikhasi Lesibili

NgoJune 1988 iSonto lamaRoma Katolika laba noqhekeko lwalo lokuqala, noma ukwahlukana, esikhathini esingaphezu kwekhulu leminyaka. Umbhishobhi omkhulu obambelele emasikweni esonto uLefebvre waxoshwa esontweni. Unyaka owodwa ngemva koqhekeko, umbhishobhi oyisihlubuki wathi uthole ukwanda kwamaphesenti angu-10 kuya kwangu-20 enanini labalandeli bakhe.

Ngesikhathi esifanayo, amakhulu abefundisi bamaKatolika asayina isimemezelo esiphikisa lokho akubheka njengokusebenzisa kabi amandla kukapapa ekumiseni ababhishobhi abasha nasezindabeni ezingokwezimfundiso, ezinjengokulawulwa kwenzalo.

Ngokwezombangazwe, amaKatolika ahlukene kakhulu, amanye asadla ngoludala, amanye asekela izinguquko zezenhlalo ngisho nokuvukela ngezikhali. UmKatolika ovamile kungase kumdide lokhu kwahlukana.