EYESIBILI KAPETRU

1 USimoni Petru, inceku nomphostoli kaJesu Kristu, kulabo abazuze ukholo oluyigugu njengolwethu,* ngokulunga kukaNkulunkulu wethu noMsindisi uJesu Kristu:

2 Kwangathi ningandiselwa umusa omkhulu nokuthula ngolwazi olunembile + ngoNkulunkulu nangoJesu iNkosi yethu, 3 ngoba amandla akhe aphezulu asinike zonke izinto ezinezela ekuphileni nasekuzinikeleni kuNkulunkulu ngolwazi olunembile ngaLowo owasibiza + ngenkazimulo yakhe nobuhle. 4 Ngalezi zinto usinike* izithembiso eziyigugu nezinhle kakhulu, + ukuze ngazo nibe abahlanganyeli benkazimulo kaNkulunkulu njengezidalwa zomoya, + njengoba niphunyukile ekonakaleni okusezweni okubangelwa yisifiso esingafanele.*

5 Ngenxa yalesi sizathu, yenzani konke eningakwenza + ukuba okholweni lwenu nenezele ubuhle, + ebuhleni benu ulwazi, + 6 olwazini lwenu ukuzithiba, ekuzithibeni + kwenu ukukhuthazela, ekukhuthazeleni kwenu ukuzinikela kuNkulunkulu, + 7 ekuzinikeleni kwenu kuNkulunkulu ukuthanda abazalwane, ekuthandeni kwenu abazalwane uthando. + 8 Ngoba uma lezi zinto zikhona kini futhi zichichima, ziyonivimbela ukuba ningabi abangasebenzi noma abangatheli *+ ngokuqondene nolwazi olunembile ngeNkosi yethu uJesu Kristu.

9 Ngoba noma ubani ongenazo lezi zinto uyimpumputhe, uvala amehlo akhe ukuze angakuboni ukukhanya, *+ futhi usekukhohliwe ukuhlanzwa kwakhe ezonweni + zakhe zakudala. 10 Ngakho-ke, bazalwane, yenzani konke okusemandleni enu ukuze niziqinisekisele ukubizwa + nokukhethwa kwenu, ngoba uma niqhubeka nenza lezi zinto, anisoze nahluleka nanini. + 11 Eqinisweni, ngale ndlela niyobusiswa ngokucebile* ningene eMbusweni waphakade + weNkosi noMsindisi wethu uJesu Kristu. +

12 Ngenxa yalesi sizathu ngiyohlale ngikulungele ukunikhumbuza ngalezi zinto, nakuba nizazi futhi nimi niqinile eqinisweni elikhona kini. 13 Kodwa ngikubheka njengokufanele, uma nje ngisekuleli tabernakele, *+ ukunikhumbuza, + 14 njengoba ngazi ukuthi itabernakele lami lizosuswa maduzane, njengoba nje neNkosi yethu uJesu Kristu yangibonisa ngokucacile. + 15 Ngiyohlale ngenza konke okusemandleni ami ukuze lapho sengihambile, nikwazi ukuzikhumbula* lezi zinto.

16 Asinazisanga ngamandla nangokuba khona kweNkosi yethu uJesu Kristu ngokulandela izindaba ezingamanga eziqanjwe abantu, kunalokho sazibonela mathupha ubukhazikhazi bakhe. + 17 Ngoba wamukela udumo nenkazimulo kuNkulunkulu uBaba, lapho inkazimulo enhle kakhulu iletha kuye amazwi anjengalawa:* “Le yiNdodana yami, othandekayo wami, mina ngokwami engimamukele.” + 18 Yebo, la mazwi sawezwa evela ezulwini ngesikhathi sinaye entabeni engcwele.

19 Ngakho sinezwi lesiprofetho eliqinisekiswe ngokwengeziwe, futhi nenza kahle ngokulinaka ngokungathi isibani + esikhanya endaweni emnyama, ezinhliziyweni zenu, kuze kuse futhi ikhwezi + liphume. 20 Ngoba okokuqala niyakwazi lokhu, ukuthi asikho isiprofetho semiBhalo esivela kunoma iyiphi incazelo yomuntu ngokwakhe. 21 Ngoba isiprofetho asikaze silethwe ngentando yomuntu, + kodwa abantu bakhuluma okuvela kuNkulunkulu njengoba babeqhutshwa* umoya ongcwele. +

2 Nokho, kwaba khona nabaprofethi bamanga phakathi kwesizwe, njengoba beyoba khona abafundisi bamanga naphakathi kwenu. + Laba bayongenisa ngesinyenyela amahlelo ayoqeda ukholo lwenu futhi bayophika ngisho nomnikazi owabathenga, + ngenxa yalokho bayobhujiswa ngokushesha. 2 Ngaphezu kwalokho, abaningi bayolandela izenzo zabo zokuziphatha kabi okuhambisana nendelelo, *+ futhi ngenxa yabo indlela yeqiniso iyohlanjalazwa. + 3 Ngobugovu bayonixhaphaza ngamazwi enkohliso. Kodwa isahlulelo sabo, esanqunywa kudala, + asibahambeli kancane futhi ukubhujiswa kwabo akozeli. +

4 Ngokuqinisekile uNkulunkulu akayekanga ukujezisa izingelosi ezona, + kodwa waziphonsa eThartharusi, *+ ezibopha ngamaketanga* obumnyama obukhulu ukuze zigcinelwe ukwahlulelwa. + 5 Akayekanga nokujezisa izwe lasendulo, + kodwa wagcina uNowa, umshumayeli wokulunga, + ephephile nabanye abayisikhombisa + lapho eletha uzamcolo ezweni labantu abangamhloniphi uNkulunkulu. + 6 Futhi washisa amadolobha aseSodoma naseGomora aba umlotha, wawalahla, + ebekela abantu abangamhloniphi uNkulunkulu isibonelo sezinto ezizayo. + 7 Wakhulula uLoti olungile, + owayecindezeleke kakhulu ngenxa yokuziphatha kabi okuhambisana nendelelo* kwabantu abangenamthetho— 8 ngoba usuku nosuku lowo muntu olungile wayehlupha umphefumulo* wakhe olungile ngenxa yezenzo zokungabi namthetho azibona nazizwa ngesikhathi esahlala phakathi kwabo. 9 Ngakho uJehova* uyayazi indlela yokubakhulula ekulingweni abantu abazinikele kuye, + kodwa agcine abantu abangalungile ukuze babhujiswe* ngosuku lokwahlulelwa, + 10 ikakhulukazi labo abazitika ngocansi nabanye ukuze babangcolise + kanye nalabo abangalihloniphi igunya. *+

Njengoba benamagangangozi futhi benenkani, abesabi ukuhlambalaza abakhazimulayo, 11 kanti izingelosi, nakuba zinezikhwepha namandla amakhulu kunabo, aziziletheli icala ngamazwi ahlambalazayo, ngenxa yokuhlonipha* uJehova. *+ 12 Kodwa laba bantu, njengezilwane ezingenangqondo ezilandela umuzwa wemvelo* futhi ezizalelwa ukuba zibanjwe zibulawe, bakhuluma amazwi okuhlambalaza ngezinto abangenalwazi ngazo. + Bayobhujiswa ngenxa yenkambo yabo embi, 13 bajeziswe njengomphumela wezenzo zabo ezimbi.

Bakubheka njengenjabulo ukuphila ngokunethezeka + ngisho nasemini. Bangamabala nezisihla, bajabula* ezimfundisweni zabo zokukhohlisa kuyilapho bedla emadilini kanye nani. + 14 Banamehlo agcwele ukuphinga + futhi abakwazi ukuyeka isono, bayenga abangagxilile. Banezinhliziyo eziqeqeshelwe ukuhaha. Bangabantwana abaqalekisiwe. 15 Bashiye indlela eqondile, badukiswa. Baye balandela indlela kaBhalami, + indodana kaBheyori, owathanda umvuzo ayezowuthola ngokwenza okubi, + 16 kodwa wasolwa ngokwaphula kwakhe lokho okwakulungile. + Isilwane esithwalayo esingenazwi, sikhuluma ngezwi lomuntu, sanqanda inkambo yobuhlanya yalowo mprofethi. +

17 Laba bayimithombo engenamanzi, nenkungu eqhutshwa isivunguvungu esinamandla, futhi babekelwe ubumnyama obukhulu. + 18 Bakhuluma amazwi okuzikhukhumeza angasizi ngalutho. Ngezifiso zenyama + nangezenzo zokuziphatha kabi okuhambisana nendelelo,* bayenga abantu abasanda kuphunyuka kulabo abaphila esonweni. + 19 Nakuba bebathembisa inkululeko, bona ngokwabo bayizigqila zokonakala; + ngoba noma ­ubani onqotshwa omunye, uyisigqila sakhe. *+ 20 Ngokuqinisekile uma ngemva kokuphunyuka ekungcoleni kwezwe + ngolwazi olunembile ngeNkosi noMsindisi uJesu Kristu, bephinda behileleka kuzo kanye lezi zinto futhi benqotshwa, izimo zabo zokugcina sezizimbi kakhulu kunezokuqala. + 21 Bekuyoba ngcono ukuba babengayazanga ngokunembile indlela yokulunga kunokuthi ngemva kokuyazi, bafulathele umyalo ongcwele abawuthola. + 22 Kwenzeke kubo isaga esiyiqiniso esithi: “Inja ibuyele emhlanzweni wayo,* nengulube yensikazi ebigeziwe ibuyele ekuzigingqeni odakeni.” +

3 Bathandekayo, le ­ncwadi ngeyesibili enginibhalela yona, njengasencwadini yami yokuqala, ngivusa ngayo amandla enu okucabanga ngokucacile, ngendlela yokunikhumbuza, + 2 ukuba nikhumbule amazwi akhulunywa ngaphambili* abaprofethi abangcwele nomyalo weNkosi noMsindisi enawuthola ngabaphostoli benu. 3 Okokuqala yazini lokhu, ukuthi ezinsukwini zokugcina kuyofika abahleki bosulu nokuhleka kwabo usulu, beqhubeka ngokwezifiso zabo + 4 bethi: “Kuphi lokhu kuba khona kwakhe okuthenjisiwe? + Phela, kusukela osukwini okhokho bethu abafa ngalo, zonke izinto ziqhubeka ngokufana ncamashi nasekuqaleni kwendalo.” +

5 Ngoba balishalazela ngamabomu leli qiniso, lokuthi kudala ayekhona amazulu nomhlaba omi uqinile uvele emanzini futhi uphakathi kwamanzi ngezwi likaNkulunkulu; + 6 nokuthi ngawo izwe langaleso sikhathi labhujiswa lapho limbozwa amanzi. + 7 Kodwa ngezwi elifanayo amazulu nomhlaba okukhona manje kubekelwe umlilo futhi kuyagcinwa kuze kube usuku lokwahlulelwa nolokubhujiswa kwabantu abangamhloniphi uNkulunkulu. +

8 Nokho, lokhu makunganiphunyuki, bathandekayo, ukuthi usuku olulodwa kuJehova* lunjengeminyaka eyinkulungwane neminyaka eyinkulungwane injengosuku olulodwa. + 9 UJehova* akephuzi ukugcwalisa isithembiso sakhe, + njengoba abanye abantu becabanga ukuthi uyephuza, kodwa uyanibekezelela ngoba akafisi ukuba kubhubhe ngisho noyedwa, kodwa ufisa ukuba bonke baphenduke. + 10 Kodwa usuku lukaJehova *+ luyofika njengesela, + okuyodlula ngalo amazulu + ngenhlokomo,* kodwa izakhi njengoba ziyobe zishisa kakhulu ziyoncibilika, futhi umhlaba nemisebenzi ekuwo kuyokwambulwa. +

11 Njengoba zonke lezi zinto ziyoncibilika ngale ndlela, cabangani ngohlobo lwabantu okufanele nibe yilo ezenzweni zokuziphatha ezingcwele nasezenzweni zokuzinikela kuNkulunkulu, 12 njengoba nilindele futhi nikukhumbula njalo* ukufika kosuku lukaJehova, *+ okuyothi ngalo amazulu ashiswe ngomlilo aphele + nezinto zawo zincibilike ngenxa yokushisa okukhulu! 13 Kodwa kukhona amazulu amasha nomhlaba omusha esikulindele ngokwesithembiso sakhe, + futhi kukho kuyohlala ukulunga. +

14 Ngakho-ke, bathandekayo, njengoba nilindele lezi zinto, yenzani konke okusemandleni enu ukuba ekugcineni anithole ningenabala, ningenasici futhi ninokuthula. + 15 Ngaphezu kwalokho, bhekani ukubekezela kweNkosi yethu njengensindiso, njengoba nje umfowethu othandekayo uPawulu naye anibhalela ngokuhlakanipha akunikwa, + 16 ekhuluma ngalezi zinto njengoba enza kuzo zonke izincwadi zakhe. Nokho, kukhona izinto ezithile kuzo okunzima ukuziqonda, abangazi lutho* nabangagxilile bayazisonta lezi zinto, njengoba benza nakuyo yonke eminye imiBhalo, okuyobenza babhujiswe.

17 Ngakho-ke, nina bathandekayo, njengoba vele senazi, qaphani ukuze ningadukiswa kanye nabo ngesiphambeko sabantu abangenamthetho futhi niwe ekugxileni* kwenu. + 18 Cha, kodwa qhubekani nikhula emseni omkhulu nasolwazini ngeNkosi noMsindisi wethu uJesu Kristu. Inkazimulo mayibe kuye manje nasosukwini lwangunaphakade. Amen.