ISIHLABELELO SEZIHLABELELO
1 Isihlabelelo sezihlabelelo,* esingesikaSolomoni: +
3 Amafutha akho anephunga elimnandi. +
Igama lakho linjengamafutha anuka kamnandi athululwayo. +
Yingakho izintombi zikuthanda.
4 Ngithathe ngihambe nawe;* masigijime.
Inkosi ingingenise emakamelweni ayo angaphakathi!
Masijabule sithokoze ndawonye.
Masikhulume* ngothando lwakho ngami, uthando lwakho lungcono kunewayini.
Bakuthanda* kufanele.
5 Ngimnyama kodwa ngimuhle, O madodakazi aseJerusalema,
Njengamatende aseKhedari, + njengezindwangu zamatende + kaSolomoni.
6 Ningangigqolozeli ngoba ngimnyama,
Ngoba ngishiswe ilanga.
Amadodana kamama ayengithukuthelele;
Angimisa ukuba ngibe umlindi wamasimu amagilebhisi,
Kodwa angibanga umlindi kweyami insimu yamagilebhisi.
7 Wena engikuthanda kakhulu ngitshele,
Ukuthi udla kuphi umhlambi wakho, +
Ukuthi uwulalisa kuphi emini.
Kungani kufanele ngibe njengowesifazane ozimboze ubuso*
Phakathi kwemihlambi yabangani bakho?”
8 “Wena omuhle kakhulu phakathi kwabesifazane, uma ungazi,
Hamba ulandele imikhondo* yomhlambi
Weluse amazinyane akho ezimbuzi eduze kwamatende abelusi.”
9 “Sithandwa sami, ngikufanisa nehhashi* lensikazi eliphakathi kwezinqola zikaFaro. +
14 Isithandwa sami sinjengesitshalo esinuka kamnandi kimi *+
Phakathi kwamasimu amagilebhisi ase-Eni-gedi.” +
15 “Waze wamuhle sithandwa sami.
Ave umuhle! Amehlo akho awamajuba.” +
16 “Lalela! Umuhle sithandwa sami futhi umnandi. +
Umbhede wethu uphakathi kwamahlamvu.
2 “Njengembali phakathi kwameva
Sinjalo isithandwa sami phakathi kwezintombi.”
3 “Njengesihlahla sama-apula phakathi kwezihlahla zehlathi,
Sinjalo isithandwa sami phakathi kwezinsizwa.
Ngifisa kakhulu ukuhlala emthunzini waso,
Isithelo saso simnandi kimi.
5 Nginikeni amakhekhe enziwe ngamagilebhisi omisiwe ukuze ngiqabuleke; +
Ngipheni ama-apula ngidle,
Ngoba ngiyafa uthando.
7 Ngiyanifungisa madodakazi aseJerusalema,
Ngobuhle bezinyamazane + nobezinyamazane zezinsikazi zasendle:
Ningazami ukuvusa uthando kimi luze luzivukele lona. +
8 Ngiyasizwa isithandwa sami njengoba siza!
Nasi siza,
Siqombola izintaba, sigxumagxuma emagqumeni.
9 Isithandwa sami sifana nenyamazane, inyamazane encane. +
Nasiya, simi ngemva kodonga,
Silunguza ngamafasitela,
Sibuka ngamafasitela.
10 Isithandwa sami sithi kimi:
‘Vuka mntakwethu,
Hamba nami, simomondiya sami.
Izimvula azisekho.
13 Esihlahleni somkhiwane amakhiwane amile kuqala asevuthiwe; +
Izihlahla zamagilebhisi ziyaqhakaza zikhipha iphunga elimnandi.
Vuka sthandwa sami, woza.
Simomondiya sami, woza sihambe.
14 O juba lami, emiphemeni yedwala, +
Ezindaweni ezicashile eziseweni,
Ngivumele ngikubone ngizwe nephimbo lakho, +
Ngoba iphimbo lakho limtoti futhi umuhle.’ ” +
15 “Sibambeleni izimpungushe,
Izimpungushe ezincane ezonakalisa amasimu amagilebhisi,
Ngoba amasimu ethu amagilebhisi aseqhakazile.”
16 “Isithandwa sami singesami nami ngingowaso. +
Seluse + phakathi kwezimbali. +
17 Kuze kube yilapho sekuheleza umoya nethunzi lingasekho,
Phenduka ngokushesha sithandwa sami,
Njengenyamazane + noma inyamazane yeduna encane + ezintabeni eziphakathi kwethu.
Ngimfunile kodwa angimtholanga. +
Ngimfunile kodwa angimtholanga.
3 Abalindi abazungeza idolobha bangithola. +
‘Anisibonanga yini isithandwa sami?’*
Ngambamba ngangamdedela
Kwaze kwaba yilapho ngimngenisa endlini kamama, +
Ekamelweni elingaphakathi lalowo owangikhulelwa.
5 Ngiyanifungisa madodakazi aseJerusalema,
Ngobuhle bezinyamazane nobezinyamazane zezinsikazi zasendle:
Ningazami ukuvusa uthando kimi luze luzivukele lona.” +
6 “Kuyini lokhu okukhuphuka kuvela ehlane okubukeka njengamafu entuthu,
Kuqholwe ngamakha emure nempepho,
Ngazo zonke izimpushana ezinamakha zomthengisi?” +
7 “Bheka! Usofa kaSolomoni.
Uzungezwe amadoda anamandla angamashumi ayisithupha,
Avela emadodeni anamandla akwa-Israyeli, +
8 Wonke ahlome ngezinkemba,
Wonke aqeqeshelwe impi,
Ngayinye inenkemba ethangeni layo
Ukuze imqaphe ezingozini zasebusuku.”
10 Izinsika zalo yazenza ngesiliva,
Izisekelo zalo yazenza ngegolide.
Isihlalo salo senziwe ngoboya obuphephuli;
Ingaphakathi lalo lalihlotshiswe kahle
Ngamadodakazi aseJerusalema.”
11 “Phumani madodakazi aseZiyoni,
Nibuke iNkosi uSolomoni
Ithwele umqhele womshado eyawenzelwa unina +
Ngosuku lwayo lomshado,
Ngosuku lokujabula kwenhliziyo yayo.”
4 “Waze wamuhle sithandwa sami!
Ave umuhle!
Amehlo akho awamajuba njengoba uzimboze ebusweni.
Izinwele zakho zinjengomhlambi wezimbuzi
Owehlela ezintabeni zaseGileyadi. +
2 Amazinyo akho anjengomhlambi wezimvu ezisanda kugundwa
Ezibuya ukuyogezwa,
Zonke zakheke kahle futhi zihambisana kahle,
Akukho neyodwa eshodayo.
3 Izindebe zakho zinjengentambo ebomvu,
Izinto ozikhulumayo zimnandi.
Njengengxenye yehalananda* elivulekile
Zinjalo izihlathi zakho njengoba uzimboze ubuso.
4 Intamo yakho + injengombhoshongo kaDavide, +
Owakhiwe ngolayini bamatshe
Okulengiswe kubo amahawu ayinkulungwane,
Wonke amahawu ayindilinga amadoda anamandla. +
5 Amabele akho anjengezinyamazane ezincane ezimbili,
Izinyamazane ezingamawele +
Ezidla phakathi kwezimbali.”
6 “Kuze kube yilapho sekuheleza umoya nethunzi lingasekho,
Ngizohamba ngiye entabeni yemure
Nasegqumeni lempepho.” +
Yehla esiqongweni se-Amana,
Esiqongweni seSeniri, esiqongweni seHermoni, +
Emigedeni yamabhubesi, ezintabeni zezingwe.
9 Uyithathile inhliziyo yami + dadewethu, makoti wami,
Uyithathile inhliziyo yami ngokungijeqeza kanye nje ngamehlo akho,
Ngomhlobiso owodwa womgexo wakho.
10 Ave ulubonisa kamnandi uthando lwakho + dadewethu, makoti wami!
Indlela obonisa ngayo uthando ingcono kakhulu kunewayini, +
Nephunga lamakha akho lingcono kunelanoma iziphi izinongo! +
11 Izindebe zakho ziconsa uju lwamakhekheba + makoti wami.
Phansi kolimi lwakho kunoju nobisi, +
Namakha ezingubo zakho anjengamakha eLebhanoni.
12 Udadewethu, umakoti wami, unjengensimu ebiyelwe,
Insimu ebiyelwe, isiphethu esivaliwe.
13 Ufana* nezihlahla ezisengadini* ezinamagatsha agcwele amahalananda,
Izithelo zekhethelo, izitshalo zehena nezesipikenadi,
14 Isipikenadi + nesafroni, umhlanga *+ nesinamoni, +
Kanye nazo zonke izinhlobo zezihlahla zempepho, imure nenhlaba, +
Kanye nawo wonke amakha ekhethelo. +
16 Vuka moya wasenyakatho;
Woza moya waseningizimu.
Heleza engadini yami.
Makugcwale iphunga elimnandi kuyo.”
“Isithandwa sami masize engadini yaso
Sidle izithelo zayo zekhethelo.”
Ngikhe imure yami nesithako sami. +
Ngidle ikhekheba lami lezinyosi kanye noju lwami;
Ngiphuze iwayini lami nobisi lwami.” +
“Yidlani bangani abathandekayo!
Phuzani nidakwe izenzo zothando!” +
2 “Ngilele kodwa inhliziyo yami iphapheme. +
Kukhona umsindo wokungqongqoza kwesithandwa sami!
‘O dadewethu, ngivulele sithandwa sami
Juba lami, wena muntu wami ongenasici!
Ngoba ikhanda lami limanziswe amazolo,
Izinwele zami zimanziswe umswakama wasebusuku.’ +
3 Sengiyikhumulile ingubo yami.
Ingabe kumele ngiphinde ngiyigqoke?
Ngizigezile izinyawo zami.
Ingabe kumele ngizingcolise futhi?
4 Isithandwa sami sasisusa isandla saso embotsheni yesicabha,
Imizwa yami ngaso yavuka.
5 Ngavuka ukuze ngivulele isithandwa sami;
Izandla zami zaconsa imure,
Neminwe yami yaconsa imure ewuketshezi,
Yaconsela ezibambweni zesihluthulelo.
6 Ngasivulela isithandwa sami,
Kodwa isithandwa sami sase sifulathele, sase sihambile.
Ngaphelelwa amandla lapho sihamba.*
Ngasifuna, kodwa angizange ngisithole. +
Ngasibiza, kodwa asizange sisabele.
7 Abalindi ababezulazula edolobheni bangithola.
Bangishaya, bangilimaza.
Abalindi bezindonga bangiphuca ibhayi lami.
8 Ngiyanifungisa madodakazi aseJerusalema:
Uma nisithola isithandwa sami,
Nisitshele ukuthi ngiyafa uthando.”
9 “Isithandwa sakho singcono ngani kwezinye izithandwa,
Wena omuhle kunabo bonke abesifazane?
Isithandwa sakho singcono ngani kwezinye izithandwa,
Ukuba ungaze usifungise isifungo esinjalo?”
10 “Isithandwa sami sihle futhi sibomvu;
Sigqamile phakathi kwabayizinkulungwane eziyishumi.
11 Ikhanda laso liyigolide, igolide elisezingeni eliphezulu.
Izinwele zaso zinjengamaqabunga esundu* aya le nale,
Zimnyama njengegwababa.
12 Amehlo aso anjengamajuba ngasemifudlaneni yamanzi,
Ageza ngobisi,
Ahlezi ngasechibini eligcwele phama.
Izindebe zaso ziyizimbali, ziconsa imure + ewuketshezi.
14 Izandla zaso ziyimibhobho yegolide, efakwe ikhrisolithe.
Isisu saso siyizinyo lendlovu elipholishekile elimbozwe ngamasafire.
15 Imilenze yaso iyizinsika zemabula ezibekwe phezu kwezisekelo zegolide elisezingeni eliphezulu.
Ukubukeka kwaso kunjengeLebhanoni, kusezingeni eliphezulu njengemisedari. +
Yiso-ke lesi isithandwa sami, nguye lo othandiweyo wami, O madodakazi aseJerusalema.”
6 “Siyephi isithandwa sakho,
Wena muntu wesifazane omuhle kunabo bonke abesifazane?
Sihambe ngayiphi indlela isithandwa sakho?
Masikufunise sona.”
2 “Isithandwa sami sehlele ensimini yaso,
Ezivandeni zezitshalo zezithako,
Ukuze seluse phakathi kwamasimu
Sikhe nezimbali. +
Seluse phakathi kwezimbali.” +
Izinwele zakho zinjengomhlambi wezimbuzi
Ezehla zivela eGileyadi. +
6 Amazinyo akho anjengomhlambi wezimvu
Ezibuya ukuyogezwa,
Zonke zakheke kahle futhi zihambisana kahle,
Akukho neyodwa eshodayo.
7 Njengengxenye yehalananda elivulekile
Zinjalo izihlathi zakho njengoba uzimboze ubuso.
9 Kodwa munye oyijuba lami, + umuntu wami ongenasici.
Uyedwa kunina.
Uyintandokazi* yalowo owamzala.
Izintombi ziyambona bese zithi uyajabula;
Izindlovukazi nezancinza ziyamdumisa.
10 ‘Ubani lona wesifazane omuhle njengokuphuma kwelanga,
Omuhle njengenyanga egcwele,
Ohlanzeke njengokukhanya kwelanga,
Omangalisa njengamabutho azungeze amabhanela awo?’ ” +
11 “Ngehlele ensimini yamantongomane +
Ukuze ngibone okuhlumile esigodini,*
Ukuze ngibone ukuthi isihlahla samagilebhisi sikhahlelile* yini,
Ukuthi izihlahla zamahalananda ziqhakazile yini.
13 “Buya, buya mShulamiti!
Buya, buya,
Ukuze sibuke ubuhle bakho!”
“Kungani nibuka umShulamiti?” +
“Unjengomdanso wamaqembu amabili!”*
7 “Yeka indlela izinyawo zakho ezinhle ngayo ezimbadadeni zakho,
O ndodakazi ehloniphekile!
Ubuhle bamathanga akho bunjengemihlobiso,
Umsebenzi wezandla zengcweti.
2 Inkaba yakho iyisitsha esiyindilinga.
Kwangathi singelokothe sintule iwayini elixutshiwe.
Isisu sakho siyinqwaba kakolweni,
Ezungezwe izimbali.
4 Intamo yakho + injengombhoshongo + wezinyo lendlovu.
Ikhala lakho linjengombhoshongo waseLebhanoni,
Obheke ngaseDamaseku.
Inkosi ibanjwe izinwele zakho ezinde ezinhle.
6 Yeka ukuthi umuhle kanjani, yeka ukuthi umnandi kangakanani,
O ntombazane ethandekayo, uzedlula zonke izinto ezijabulisa kakhulu!
8 Ngithe, ‘Ngizogibela esihlahleni sesundu
Ukuze ngibambe izithelo zaso.’
Kwangathi amabele akho angaba njengezigaxa zamagilebhisi,
Umoya owuphefumulayo unuke kamnandi njengama-apula,
“Kwangathi lingehla kamnandi esithandweni sami,
Lishelele kamnandi ezindebeni zabalele.
12 Masivuke ekuseni kakhulu siye emasimini amagilebhisi
Ukuze sibone ukuthi isihlahla samagilebhisi sikhahlelile* yini,
Ukuthi izimbali ziqhakazile yini, +
Ukuthi izihlahla zamahalananda ziqhakazile yini. +
Ngizokubonisa lapho uthando lwami. +
13 Amamandrake *+ akhipha iphunga lawo elimnandi;
Eminyango yethu kukhona zonke izinhlobo zezithelo zekhethelo. +
Ezintsha kanye nezindala,
O sithandwa sami, ngikubekele zona.
8 “Ukube nje ubunjengomfowethu,
Owancela amabele kamama!
Bengiyokuqabula + uma ngikuthola endaweni yomphakathi
Futhi akekho obeyongidelela.
Bengiyokuphuzisa iwayini elimnandi,
Ijusi ehla esiphundu yamahalananda.
4 Ngiyanifungisa madodakazi aseJerusalema:
Ningazami ukuvusa uthando kimi luze luzivukele lona.” +
5 “Ubani lona wesifazane okhuphuka evela ehlane,
Encike esithandweni sakhe?”
“Ngakuvusa ngaphansi kwesihlahla sama-apula.
Yilapho unyoko aba khona nemihelo ngawe.
Yilapho lowo owakuzala afikelwa khona imihelo.
6 Ngibeke njengophawu enhliziyweni yakho,
Njengophawu engalweni yakho,
Ngoba uthando lunamandla njengokufa, +
Nokuzinikela ngokuphelele akugwemeki njengeThuna.*
Uthando lunjengamalangabi omlilo ovuthayo, ilangabi likaJah. *+
Uma umuntu ebengakhipha wonke umcebo osendlini yakhe ngenxa yothando,
Lowo mcebo* ubuyodelelwa kakhulu.”
Sizomenzelani udadewethu
Ngosuku ayocelwa ngalo?”
9 “Uma eludonga,
Sizokwakha umbhoshongo wesiliva phezu kwakhe,
Kodwa uma eyisicabha,
Sizomvalela ngepulangwe lomsedari.”
10 “Ngiludonga,
Amabele ami anjengemibhoshongo.
Ngakho emehlweni akhe ngibe
Njengowesifazane onokuthula.
11 “USolomoni wayenensimu yamagilebhisi + eBhali-hamoni.
Wayiphathisa abantu abanakekela insimu.
Ngamunye wayeletha izinhlamvu zesiliva eziyinkulungwane ngenxa yezithelo zayo.
12 Nginensimu yamagilebhisi ethi mina.
Izinhlamvu zesiliva eziyinkulungwane* ezakho Solomoni,
Ezingamakhulu amabili ezalabo abanakekela izithelo zayo.”
Nami ake ngilizwe.” +
Noma, “Ingoma enhle kakhulu.”
NgesiHebheru, “Ngidonse ngikulandele.”
Noma, “Masixoxe.”
Okuwukuthi, izintombi.
Noma, “ngendwangu egqokwa abalilayo.”
Noma, “ezinyathelweni.”
Noma, “nehhashi lami.”
Noma kungaba, “phakathi kwamagoda ezinwele.”
Noma, “imiqhele.”
Noma, “sinjengehena.”
Noma, “yethu enhle.”
NgesiHebheru, “Ngiyisafroni nje.”
Noma, “Umnduze.”
NgesiHebheru, “yewayini.”
Noma, “Inkathi yemvula.”
Noma, “othandwa umphefumulo wami.”
Noma, “othandwa umphefumulo wami.”
Noma, “othandwa umphefumulo wami.”
Noma, “othandwa umphefumulo wami.”
Usofa ombozekile owawusetshenziselwa ukuthwala umuntu obalulekile.
Noma, “yehananadi.”
Noma kungaba, “Isikhumba sakho sifana.”
Noma, “ezisepharadesi.”
Umhlanga onephunga elimnandi.
Noma kungaba, “Umphefumulo wami wangishiya ngesikhathi sikhuluma.”
Noma kungaba, “zinjengamahlukuzo amasundu.”
NgesiHebheru, “Ulwanga.”
Noma, “njengeDolobha Elihle.”
Noma, “amafulege.”
NgesiHebheru, “Ungomsulwa.”
Noma, “emhosheni.”
Noma, “siqhakazile.”
Noma, “abathandayo.”
Noma, “Unjengomdanso waseMahanayimi.”
NgesiHebheru, “zekhanda lakho.”
NgesiHebheru, “Nolwanga.”
Noma, “siqhakazile.”
Abesifazane babedla isithelo salesi sihlahla ngoba babecabanga ukuthi sizobasiza bakhulelwe.
Noma, “njengeShiyoli,” okuwukuthi, ithuna elivamile lesintu. Bheka uHlu Lwezincazelo Zamagama.
Elithi “Jah” liyisifushaniso segama elithi Jehova.
Noma kungaba, “muntu.”
NgesiHebheru, “Inkulungwane.”