«Zunadiágatu cayaca guerra»

«Bizuluáʼ cayuneʼ dxiiñaʼ lu década de 1960, ne biaʼ tiempu ni maʼ gudiʼdiʼ ca, maʼ gunieeʼ bizulú cayaca 40 guerra lu guidubi guidxilayú. Biiyaʼ ora jma bininá Guerra Fría binni ne ni málasi bilúxeni. Peru qué huayuu dxi guuyaʼ chuʼ ti iza ni jma guniná binni casi iza 2025, cadi purtiʼ si nabé nuu guendaridinde, sínuque purtiʼ rihuinni dxíchica zanda guniná tobi de laacani stale guidxi ne gobiernu jma que xcaadxi guerra ni huayaca» (John Simpson, editor de asuntos globales de la BBC; negritas nuestras).

Nabé nuu binni xizaa pur ca guerra ni cayaca lu guidxilayú ne stale tu riníʼ ique pa zedandá dxi zabáninu galán. ¿Xi bisiidiʼ Jesús de laani pue?

Ni bisiidiʼ Jesús

Maca guníʼ Jesús xi guiráʼ zazaaca lu guidxilayú riʼ. Gúdxibe ca xpínnibe: «Zunadiágatu cayaca guerra ne noticia de guerra» (Mateo 24:6).

Neca nabé riuʼnu xizaa pur ca guerra ne pur nabé ridinde binni yanna, peru nápanu stale razón para guni crenu zabáninu galán huidxe si. ¿Xiñee yaʼ? Purtiʼ guníʼ Jesús ti «señal» ni zusihuinni mayaca «guiluxe guidxilayú riʼ». Ne ca guerra, guiráʼ ni cazaaca yanna, modo nabáninu ne modo naca binni, nácacani parte de señal ca (Mateo 24:3; Lucas 21:7). Ndiʼ riníʼ huidxe si zedandá dxi zunduuxeʼ Jesús ca guerra ca. ¿Ximodo zúnibe ni yaʼ?

Ni chiguni Jesús huidxe si

Jesús nga Rey stiʼ Reinu stiʼ Dios, ne huidxe si zunduuxebe guiráʼ guerra ni cayaca lu guidubi naca guidxilayú (Salmo 46:9).

Para gánnaluʼ ximodo zapa binni paz huidxe si, ximodo chigácani ne ximodo zanda gacaneni lii, biindaʼ artículo ni láʼ «Zedandá dxi maʼ qué ziuu guerra ne maʼ qué zadinde binni».