GUCANÉ BIBLIA LAACABE PARA BICHAACABE

Bidxélacabe «ti perla nabé risaca»

Bisiidiʼ Jesús Reinu si stiʼ Dios nga zuni chaahuiʼ guiráʼ ca guendanagana nuu lu guidxilayú riʼ (Mateo 6:10). Lu Mateo 13:44-46, biquiiñeʼ Jesús chupa ejemplu para bisiidiʼ risaca nga guizíʼdinu ni dxandíʼ de Reinu stiʼ Dios:

Imagen ra rihuinni guiropa hombre bizeeteʼ Jesús. 1. Candaa ti hombre lu ti layú ne cadxagayaa cayuuyaʼ ni bidxela. 2. Cayecheʼ sti hombre ca naaze ti perla.

Málasi bidxela ti hombre ni cayuni dxiiñaʼ lu layú ti tesoro ni gaʼchiʼ.
Bidxela ti comerciante ni ruyubi perla chaʼhuiʼ ti perla nabé risaca.

Pur tesoro ni bidxela guiropaʼ hombre riʼ nagueendaca bitoocaʼ guiráʼ ni nápacaʼ. Ca dxi riʼ, nuu binni ni zeeda gaca casi guiropaʼ hombre ni bizeeteʼ Jesús: guizáʼ rusisácacabe Reinu stiʼ Dios ne rúnicabe guiráʼ ni nuu lu nácabe para guicaacabe ca ndaayaʼ ni gueedaneni (Lucas 18:29, 30). Lu videu riʼ, biiyaʼ historia stiʼ chupa binni ni biʼniʼ cásica ca hombre ni bizeeteʼ Jesús.