Benaya: gápanu valor ne cadi guixélenu de Jehová

Guca Benaya ti hombre nadxibalú ni biʼniʼ xhiiñaʼ rey David ne Salomón. Gúcabe xiiñiʼ ti sacerdote, qué rié ca sacerdote ne zaqueca ca levita lu guerra ne qué rinaazecabe guiibaʼ. Peru Benaya guca ti hombre nadxibalú ne ni ridinde. Guzéʼtenu ti ejemplu, biitibe ti lión ni nuu ndaaniʼ ti cisterna ne laaca biitibe ti hombre ngola. Guizáʼ gupa David confianza Benaya, ngue runi bíʼnibe laa xaíque stiʼ ca hombre ni rapa laabe (2 Sam. 23:20-23).

Qué nixeleʼ Benaya de David ora bicaalú Absalón ne Adonías laa (2 Sam. 8:18; 15:18; 1 Rey. 1:8). Ne dxi maʼ nagola David biʼniʼ apoyar Benaya laabe para gaca Salomón rey (1 Rey. 1:32-40). Qué nixeleʼ Benaya de Jehová neca guyuu tu bíʼnini ne biʼniʼ apoyarbe ca rey ni gulí Jehová.

Laanu, laaca naquiiñeʼ gácanu nadxibalú para ganda gucáʼlunu Binidxabaʼ, enemigu stinu, ne zaqueca ca ni zinanda laa. Ne laaca naquiiñeʼ quixhe íquenu guibáninu casi rinabaʼ Jehová laanu (Efes. 6:11; 1 Ped. 5:8, 9). Dede pa nuu tu gusaana Jehová la? laanu qué ziuu dxi gusaananu laabe ne nánnanu zaguixe Jehová ni laanu (2 Sam. 22:26).