Laaca guti Jesús pur ca hermanu stinu

Bidii Jesús xquendanabani pur ca binni ruchee (Ro 5:8). Guiranu rudiʼnu xquíxepeʼ laabe pur bisihuínnibe pabiáʼ nadxiibe laanu. Peru cadi naquiiñeʼ gusiáʼndanu laaca gútibe pur ca hermanu stinu, ne laaca binni ruchee laacabe casi laanu. Guidúʼyanu chonna modo zanda gusihuínninu nadxiinu ca hermanu stinu casi nadxii Jesús laacabe. Primé, gaca xhamígunu ca hermanu neca gadxé modo gúcacaʼ dxiqué (Ro 15:7; 2Co 6:12, 13). Guiropa, gúninu stipa pur cadi guininu o gúninu xiixa ni guniná stobi (Ro 14:13-15). Ne últimu la?, nagueendaca guni perdonarnu tuuxa ni guniná laanu (Lu 17:3, 4; 23:34). Pa gúninu stipa pur chinándanu ejemplu stiʼ Jesús, zacané Jiobá chuʼ paz ndaaniʼ congregación ne chuʼ ca hermanu tobi si.

GÚʼYASITU VIDEU ¡GÁCARUʼ NI JMA GALÁN!, ZANDA GUICÁBITU CA PREGUNTA RIʼ:

• 

  ¿Xi guníʼ ique Miki de congregación stiʼ dxi nacubi yendá raqué?

• 

  ¿Xi bicaa laabe guchaabe modo riníʼ íquebe?

• 

  ¿Ximodo gucané ejemplu stiʼ Jesús Miki para bichaa modo riníʼ ique? (Mr 14:38).

• 

  ¿Ximodo zanda gacané Proverbios 19:11 laanu para cadi guiníʼ íquenu mal de ca hermanu stinu?