Caadxi modo zanda guinínenu binni

Ximodo zanda guzulú gúʼndanenu binni Biblia primé sábadu stiʼ septiembre

«Xi tal xa. Canagánnadu binni neca ti ratuhuiiniʼ para gábidu laacaʼ paraa zanda guidxélacaʼ conseju ni zanda gacané ca guendaxheelaʼ ca guibánicaʼ nayecheʼ. Xi guendanagana rábiluʼ rucueeza ca guendaxheelaʼ ca de chuʼcaʼ nayecheʼ yaʼ.» Guleza guicabi binni ca, de racá biluíʼ laabe tema ni zeeda lu últimu yaza stiʼ revista Torre stiʼ ni rapa 1 stiʼ septiembre ne biindané laabe párrafo ni cacabi primé guendarinabadiidxaʼ ca ne biindané laabe neca tobi de ca textu zeeda luni. Bisaanané laabe revista ca ne biaanané laabe padxí guibiguétaluʼ para gúʼndaneluʼ laabe sti guendarinabadiidxaʼ ni zeeda luni.

Torre stiʼ ni rapa 1 stiʼ septiembre

«Canagánnadu ca vecinu purtiʼ nánnadu stale de laacabe rinabadiidxacabe xiñee rudii Dios lugar tiidiʼ binni yuubaʼ lu Guidxilayú riʼ. Ñee huaníʼ íqueluʼ de laani la? [Guleza guicábibe.] Lu Biblia zeeda ti noticia nabé galán, laani nani zedandá dxi maʼ qué zuunaʼ binni ne maʼ qué zadíʼdicaʼ yuubaʼ [biindaʼ Apocalipsis 21:4]. Lu revista riʼ zeeda gaayuʼ razón ni cusihuinni xiñee nuu stale guendanagana ne yuubaʼ. Laaca cusiene ni xi ruzeeteʼ Biblia de modo chindee Dios cani guninu riʼ.»

¡Despertad! Septiembre

«Yanna riʼ cayuínedu binni de ni runibiáʼcabe casi Gueelaʼ stiʼ ca bruja. Ra zidiʼdiʼ dxi jma maʼ stale binni runi ni. Nuu binni qué riná guni ni purtiʼ racaláʼdxicaʼ guzuubacaʼ stiidxaʼ Dios ni zeeda lu textu riʼ [biindaʼ Deuteronomio 18:10, 11]. Nuu tu laa qué runi cré pa nuu fantasma ne espíritu ne nacaʼ cadi malu diʼ nga guni binni Gueelaʼ stiʼ ca bruja. Lii xi riníʼ íqueluʼ de laani yaʼ [guleza guicábibe]. Revista riʼ cusiene ximodo biasastí Gueelaʼ stiʼ ca bruja.»