Guni adorarnu Dios né binnilídxinu, nga nga tema stiʼ Calendario 2011

Guni adorarnu Dios né binnilídxinu, nga nga tema stiʼ Calendario de los testigos de Jehová 2011. Luni rihuinni ximodo runi stale familia yanna para guni adorarcaʼ Dios né binnilídxicaʼ ne ximodo biʼniʼ chupa chonna familia ni dxiqué. Laaca rihuinni caadxi guendaxheelaʼ ni qué gapa xiiñiʼ luni ne caadxi xpinni Jiobá ni caʼruʼ guichaganáʼ.

Ca xpinni Cristu de dxiqué ni zeeda lu calendariu ca rihuinni pabiáʼ riuuláʼdxicaʼ gúʼndacaʼ ley stiʼ Jiobá ne gucaneni laacaʼ para gunda bidxiilucaʼ ca guendanagana gúpacaʼ (Sal. 1:2, 3). Pa naroʼbaʼ familia stinu o pa nahuiiniʼ, pa xpinni Cristu guirácabe o pa nuu de laacabe napa sti religión, galán guidúʼyanu cada tobi de ca dibuju zeeda lu calendariu ca, ne ora gúninu ni guietenaláʼdxinu pabiáʼ risaca guni adorarnu Dios né binnilídxinu. Lu calendariu ca nuu lugar para gucaa cada familia xi dxi maʼ gudíxhecaʼ guni adorarcaʼ Jiobá juntu. Ñee maʼ bicaatu xi dxi gúnitu ni la?