Cani chiguieeteʼ

◼ Cani zanda gusaananenu binni lu beeu septiembre: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia primé ca biaje chigánnatu laa. Octubre: Torre stiʼ ni rapa ne ¡Despertad! Pa binni ca racalaʼdxiʼ guiziidiʼ jma la? zanda gusaananetu laa tratadu Ñuuláʼdxiluʼ ñánnaluʼ xi riníʼ Biblia de cani huanabadiidxaluʼ la? ne biindané ni laabe. Peru pa maʼ nápabe ni la? biʼniʼ stipa pur guzulú gúʼndaneluʼ laabe de Biblia. Noviembre: Guizíʼdinu de Maestru Ni Jma Nanna Gusiidiʼ. Pa guiníʼ binni maʼ napa ni la? zanda gusaanatu libru Xipeʼ ndiʼ cusiidiʼ Biblia. Diciembre: Biʼniʼ adorar tobi lucha Dios ni dxandí.

◼ Libana ni bibí para gudiicabe tiidiʼ si dxi guietenaláʼdxinu guendaguti stiʼ Cristu iza 2010 zadiʼdiʼ ni semana 12 stiʼ abril. Despué zábidu laatu xi láʼ libana riʼ. Cani chiganna binnigola ni riganna ca binni ridagulisaa laacaʼ dxi ca o gápacaʼ xiixa guendaridagulisaa roʼ semana ca la? zucaadiágacabe libana ni bibí riʼ ti semana despué. Nin ti neza binni ridagulisaa cadi naquiiñeʼ diʼ gucaadiaga libana riʼ ante de semana 12 stiʼ abril.

◼ Ora guseendacabe carta sti guidxi roʼ. Pa tuuxa ni rucheeche diidxaʼ chindeza sti guidxi roʼ la? binnigola ni naca secretariu ra yendabe ca naquiiñeʼ guinabaʼ carta ne tarjeta stibe neza binni ridagulisaa ra guyuube que nagueendaca. Yanna, pa gueeda tobi ni rucheeche diidxaʼ de sti guidxi roʼ ndaaniʼ guidxi Méjicu la? secretariu stiʼ ca binni ridagulisaa ra guyuube ca zanda guseendaʼ ca guiʼchiʼ stibe ra yendabe, pa nánnabe paraa ni (km06 12 5). Ngaca nga ni naquiiñeʼ guni ca binnigola ne tuuxa ni guyuu sti guidxi roʼ ne bisaana de gaca Testigu raqué, ne maʼ racalaʼdxiʼ guibiguetaʼ ndaaniʼ xquidxi Jiobá. Pa qué ganna ca binnigola ca paraa riaana neza binni ridagulisaa ra guyuube dxiqué la? zucaacabe ra nuu Betel ni nuu xquídxibe. Lade ca guiʼchiʼ ni cheʼ ca zié sti carta ra guicá lá neza binni ridagulisaa ra nuube yanna, guidxi nuuni ne estadu stini ne lá chupa chonna de ca binnigola ca. Ra ricá tu cuseendaʼ ca guiʼchiʼ ca naquiiñeʼ guicá chaahuiʼ paneza lidxi tobi de laacabe, ti númeru de teléfono ne correu electrónicu pa nápabe. Pa qué guicabi Betel ra biseendatu ca guiʼchiʼ ca tiidiʼ si chonna beeu la? lagucaa sti biaje ne lagusiene ni cayaca ne guseendatu ti copia stiʼ carta ni biseendatu primé que. Zadxélatu paneza riaana xcaadxi Betel lu Anuario ni jma nacubi.

◼ Ora guseendatu xiixa carta Betel, cadi guiaandaʼ gucaatu apartadu postal stini jneza. Yanna riʼ nuu chupa ni: Congregación Cristiana de los Testigos de Jehová, A.R. napa númeru 895, ne La Torre del Vigía, A.R. napa númeru 896.