Cani chiguieeteʼ
◼ Cani zanda gusaananu lu beeu agosto: zusaananetu binni ca caset ne discu ni nápatu lu stiidxatu. Laguni stipa pur gusaananetu binni intiica ni maʼ guca grabar lu stiidxatu. Septiembre: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia primé ca biaje chigánnatu laa. Pa maʼ nápabe libru riʼ la? biluíʼ laabe ximodo riuundaʼ ni ti ganda guiziidibe jma ora gúʼndabe ni. Octubre: revista Torre stiʼ ni rapa ne ¡Despertad! Pa binni ca gusihuinni racalaʼdxiʼ guiziidiʼ jma la? zanda gusaananetu laabe tratadu Ñuláʼdxiluʼ niziidiluʼ jma de lu Biblia la? ne laguni stipa pur guzulú gúʼndanetu laabe de Biblia. Noviembre: Guizíʼdinu de Maestru Ni Jma Nanna Gusiidiʼ. Pa guiníʼ binni qué gapa xiiñiʼ nahuiiniʼ la? bisaanané laabe libru Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia.
◼ Dede 18 hasta 30 stiʼ agosto zagabaʼ ca libru, revista ne guiráʼ guiʼchiʼ napa Betel stiʼ Méjicu, pur nga qué zuseendacabe gastiʼ ra nuu ca neza binni ridagulisaa ca dxi ca.
◼ Ca neza binni ridagulisaa ni riguixhe ximodo guiaaziʼ ca libru ne ca revista ca naquiiñeʼ gánnacaʼ beeu agosto 2008 nga últimu beeu ra zanda guseendacabe guiʼchiʼ ra cá xi canábacabe para iza 2009. Laguseendaʼ guiʼchiʼ ra canábatu cani nagueendaca, ne lacuu chaahuiʼ ti copia stini lade ca guiʼchiʼ stitu para cadi guiaandaʼ laatu ne guseendatu ni chupa biaje. Pa caquiiñetu ca libru ca lu sti diidxaʼ ni qué riníʼcabe Méjicu la? laaca naquiiñeʼ guinábatu ni beeu ca.
◼ Cusietenaláʼdxidu ca binnigola chinándacaʼ ni zeeda lu La Atalaya 15 stiʼ abril 1991, yaza 21 dede 23, ora chigánnacabe cani maʼ cadi naca testigu stiʼ Jiobá ne cani guníʼ guiree ndaaniʼ xquídxibe ne racaláʼdxicaʼ guibiguétacaʼ.
◼ Cani rucheeche diidxaʼ ne ca binni ni deruʼ caziidiʼ de lu Stiidxaʼ Dios ni raca nagana para laa guʼyaʼ o cani qué liica ruuyaʼ gastiʼ, ne riquiiñecaʼ xiixa aparatu o computadora para gúʼndacaʼ braille la? zanda iquiiñecaʼ ca archivu ni maʼ guca lu computadora stiʼ revista La Atalaya lu braille. Ca archivu ni nápacabe inglés neni ca tema ni guiuundaʼ ra ridagulisaanu, ne revista La Atalaya ni rudiʼnu binni la? nuuni lu braille grado dos (estenográfico o compacto), ne nuuni diidxastiá ne francés para guʼndaʼ binni lu braille grado uno (integral). Para cani guinabaʼ ca archivu riʼ la? ruseendacabe ni ra nuu pur Internet. Tuuxa ni caquiiñeʼ gápani la? naquiiñeʼ gábibe ni secretariu stiʼ ca binni ridagulisaa para guseendaʼ ti carta ra nuu La Torre del Vigía A. R. Atención: Envíos de Publicaciones, Apdo. Postal 896, 06002 México, D. F. Lu carta ca zacá lá binni ca ne paneza ralidxi, xi lá aparatu riquiiñebe ne xi correu nápabe lu Internet; laaca naquiiñeʼ guicá xi diidxaʼ braille ruundabe pa diidxastiá, francés o inglés. Pa qué gápabe correu ca la? naquiiñeʼ guicá stiʼ ti binni ni nápani ti chindácani ra nuu para gudiini binni ni caquiiñeʼ ni.
◼ Cusietenaláʼdxidu ca grupu de binnigola ni ruuyaʼ xi caquiiñeʼ ca Yoo stiʼ Reinu ni maʼ guca dedicar, naquiiñeʼ gúʼyacaʼ lu beeu riʼ paraa caquiiñeʼ gacachaahuiʼ Yoo stiʼ Reinu ra ridagulisaacaʼ ne gucaacabe cani lu guiʼchiʼ ni láʼ Lista de verificación de mantenimiento y seguridad del Salón del Reino (CN-14-S) ne guseendacabe ni ne grupu ni ruseendaʼ xiixa Betel lu beeu septiembre 2008. Pa qué gápatu ca guiʼchiʼ riʼ, zanda guinábatu ti copia stini ca binnigola ni riganna ca binni ridagulisaa, Grupu de Binnigola ni Ruuyaʼ Cuí Yoo stiʼ Reinu o Grupu ni Rucuí Yoo stiʼ Reinu ni nuu gaxha de laatu.