Cani chiguieeteʼ
◼ Cani zanda gusaananu lu beeu abril ne mayo: Libru stinneʼ de ca historia stiʼ Biblia, laguni stipa pur chigánnatu ca binni ni guyuulaʼdxiʼ gucaadiaga ca stiʼ biaje, casi cani guyé ra bietenaláʼdxinu guendaguti stiʼ Jesús o cani yegucaadiaga libana ni bibí gudiʼdiʼ si dxi bietenaláʼdxinu guendaguti stiʼ Jesús, peru qué riépecaʼ guendaridagulisaa. Laguni stipa pur guzulú gúʼndanetu laacabe de Biblia pa qué huayúnicabe ni. Junio: ¡Biecheʼ de guendanabani ndaaniʼ Guidxilayú sin qué guiuu dxi gátiluʼ!, Lii zanda gaca xhamíguluʼ Dios, ne Xi canabaʼ Dios lii guʼnuʼ. Julio: Libru stinneʼ de ca historia stiʼ Biblia ne Xipeʼ ndiʼ cusiidiʼ Biblia. Agosto: zusaananetu binni ca caset ne discu ni nápatu lu stiidxatu. Laguni stipa pur gusaananetu binni intiica ni maʼ guca grabar lu stiidxatu.
◼ Cusietenaláʼdxidu ca neza binni ridagulisaa naquiiñeʼ guinábacaʼ para 2009 ca libru ne folletu ni reeda cada iza ra nuu neza binni ridagulisaa ni riguixhe ximodo guiaaziʼ libru, ne guiʼchiʼ Solicitud de literatura (S-14-S). Cani zeeda raríʼ nga cani guinábacabe: Calendario 2009, folletu Guidúʼndanu Stiidxaʼ Dios guiráʼ dxi 2009, Anuario 2009, ne volumen stiʼ Torre stiʼ ni rapa ne ¡Despertad! 2008. Laguseendaʼ guiʼchiʼ ra canábatu cani lu fax o zanda gudiitu ni Grupu ni ruseendaʼ xiixa Betel lu ca beeu junio, julio o cadi tiidiʼ diʼ 9 stiʼ agosto 2008. Cadi tiidiʼ diʼ fecha ca para guseendatu ni ne lacuu chaahuiʼ ti copia stini lade ca guiʼchiʼ stitu para cadi guiaandaʼ laatu ne guseendatu ni chupa biaje. Ndaaniʼ caja ra reeda ca libru ca zeeda ti lista ra cá cani cayaadxaʼ gueeda ra na «Envío pendiente». Pa nuu neza binni ridagulisaa caquiiñeʼ ca libru ne ca guiʼchiʼ riʼ stiʼ diidxaʼ ni qué riníʼcabe Méjicu la? zanda guseendacabe guiʼchiʼ stícabe lu fecha ni maʼ bizéʼtenu luguiáʼ ca.
◼ Ca binnigola naquiiñeʼ gúʼndacaʼ carta 6 stiʼ julio 2006 sti biaje, ni caníʼ xi gúnicabe ora guniná xu o nisaguié, ne gúʼyacabe pa nánnacabe pa neza nabeza cani rucheeche diidxaʼ ne númeru de teléfono sticaʼ. Ca lugar nabé raca desgracia la? ca binnigola ca naquiiñeʼ gánnacabe paraa zanda guidxélacabe ti ni rucheeche diidxaʼ pa málasi guizaaca xiixa. Cani rucheeche diidxaʼ laaca naquiiñeʼ gábicabe binnigola ni rusiidiʼ ra riuundaʼ libru o sti binnigola ora chiguireecabe de ra lídxicabe xadxí, casi ora chécabe de vacación, chécabe sti lugar pur xhiiñacabe o huarácabe ne chigátacabe ra hospital.
◼ Neza stiʼ ca precursor iza 2009 zácani lu ca diidxaʼ riʼ: alemán bajo, chinanteco (Ojitlán, San Juan Quiotepec), chol, chontal (Oaxaca, Tabasco), diidxazá (Istmo, Lachiguiri, Manantiales, Quiatoni, Villa Alta), huave, Lengua de Señas Mexicana (LSM), mame, maya, náhuatl (Centro, Veracruz, Guerrero, Huasteca, norte de Puebla), mazateco, mixe, mixteco (Guerrero, Oaxaca bajo, Oaxaca alto), ngigua, otomí (Ixmiquilpan, Tenango de Doria), popoluca (Puebla, Veracruz), tarahuamara, tének, tlapaneco, tojolabal, totonaco, tseltal, tsotsil. Zanda cheʼ ca precursor regular neca caʼruʼ checaʼ Scuela stiʼ ca Precursor. Laaca zanda cheʼ cani nahuiiniʼ ni naca precursor regular pa cheʼ bixhózecaʼ. Lu Xhiiñaʼ Reinu ni Rúninu stiʼ marzo 2008 cayeeteʼ turuʼ zanda cheʼ ne xi gúnicaʼ.
◼ Racaláʼdxidu gábidu laatu qué zaca diʼ ti guiʼchiʼ para guni invitarnu binni cheʼ guendaridagulisaa de chonna gubidxa 2008. Peru iza riʼ lu guidubi guidxilayú zaguíʼzinu sti guiʼchiʼ. Despué zábidu laatu padxí gácani ne xi para ni.