Panda binni biziidiʼ guiʼchiʼ lu iza 2006

Nayéchepeʼ nga nuudu gábidu laatu lu iza 2006 bisíʼdidu 875 gunaa ne 420 hombre gúʼndacaʼ ne gucaacaʼ lu stiidxacaʼ, casi amuzgo, diidxazá istmo, diidxazá valle, maya, mazateco, mixe, mixteco, náhuatl, purépecha, tének ne tsotsil. Lu diidxastiá laaca biziidiʼ 365 gunaa ne 49 hombre. Lu iza 2006 biziidiʼ 1,240 gunaa ne 469 hombre, biaʼsi bizaacabe 1,709 binni. Pa ugábanu laacabe ne cani biziidiʼ ca iza maʼ gudiʼdiʼ ca la? biaʼsi rudiini 150,053 binni, dede dxi bizulunu cusíʼdinu binni lu iza 1946. Cada iza ruséʼndadu panda binni caziidiʼ guʼndaʼ ne gucaa ra nuu Secretaría de Gobernación ne ra nuu INEA ne nánnacaʼ galán dxiiñaʼ ni cayúninu riʼ.

Ndaaniʼ neza binni ridagulisaa ni nuu neza gueteʼ stiʼ Calpulalpan, Tlaxcala, ti gunaa ni napa 103 iza biziidiʼ guʼndaʼ ne gucaa. Yanna nápabe 104 iza ne qué rusaana de gucheechebe diidxaʼ, rudiibe libana lu Scuela stiʼ cani Rucheeche Diidxaʼ ne ricábibe lu ca guendaridagulisaa ca. Laabe nabe: «Rudiéʼ xquíxepeʼ pur gucanécabe naa, yanna maʼ randa ruundaʼ Biblia stubeʼ ne guicabeʼ tutiisi guinabaʼ diidxaʼ naa de cani runeʼ cré».

Rudiʼdu xquíxepeʼ guiráʼ cani riquiiñeʼ tiempu stiʼ para gusiidiʼ ca binni qué ganna guiʼchiʼ ti ganda gúʼndacaʼ ne gucaacaʼ, cásica ca binni ni riníʼ diidxastiá zaqueca cani riníʼ sti diidxaʼ ni riníʼcabe Méjicu.