Cani chiguieeteʼ

◼ Cani zanda gusaananu lu beeu septiembre: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni Biblia primé ca biaje chigánnatu laa. Pa maʼ nápabe libru riʼ la? biyubi ti capítulo stini ne biluíʼ laabe ximodo rúʼndanenu binni Biblia. Octubre: Revista Torre stiʼ ni rapa ne ¡Despertad! Pa gusihuinni binni ca riuulaʼdxiʼ guiziidiʼ jma la? zanda gusaananetu laabe tratadu Ñuláʼdxiluʼ niziidiluʼ jma de lu Biblia la? ne laguni stipa pur guzulú gúʼndanetu laabe Biblia. Noviembre: Guizíʼdinu de Maestru Ni Jma Nanna Gusiidiʼ; pa binni ca guiníʼ qué gapa xiiñiʼ la? bisaanané laabe libru Xipeʼ ndiʼ cusiidiʼ Biblia. Diciembre: Biʼniʼ adorar tobi lucha Dios ni dxandíʼ. Laaca zanda iquiiñetu ca folletu ni maʼ nuu lu diidxazá.

◼ Ca neza binni ridagulisaa ca maʼ zanda guinábacabe Índice de las publicaciones Watchtower 2006 ne CD–ROM Watchtower Library, edición de 2007 ra guinábacabe libru ne revista sti biaje. Lu carta ni láʼ Anuncio a las congregaciones ni maca ruseendacabe, racá zaree xi diidxaʼ nuu cani. Ne naquiiñeʼ guietenaláʼdxitu, cani maʼ guyuunisa si nga zanda guicaa Watchtower Library, edición de 2007 ne ra ridagulisaasícabe zanda guinábacabe ni.

◼ Libana ni bibí para gudiicabe tiidiʼ si dxi guietenaláʼdxinu guendaguti stiʼ Cristu iza 2008 zadiʼdiʼ ni semana 31 stiʼ marzo. Despué zábidu laatu xi láʼ libana riʼ. Ca neza binni ridagulisaa ni chiganna binnigola ni riganna ca binni ridagulisaa laacaʼ dxi ca o gápacaʼ xiixa guendaridagulisaa roʼ semana ca la? zucaadiágacabe libana ni bibí riʼ ti semana despué. Nin ti neza binni ridagulisaa qué gapa xidé gucaadiaga libana riʼ ante de semana 31 stiʼ marzo.

◼ Binnigola ni rapa guiráʼ stiʼ binni ridagulisaa ca o tuuxa ni bidiibe dxiiñaʼ riʼ la? naquiiñeʼ guʼyaʼ pa jneza nuu ca guiʼchiʼ stiʼ ca beeu junio, julio ne agosto ra cá pagala nápatu. Ora maʼ gúcani la? naquiiñeʼ guieeteʼ ni nezalú ca binni ridagulisaa guiluxe guiníʼsitu pagala nuu (laguuyaʼ guiʼchiʼ ni láʼ: Instrucciones para la contabilidad de la congregación [S-27]).