7 NDAA

De ra biasa Jesús lade gueʼtuʼ dede ra bideguyoo Pablu

Jesús biasa de lade gueʼtuʼ lu chonna gubidxa despué de gútibe. Dxi que bihuínnibe nezalú ca xpínnibe gaayuʼ biaje gadxé gadxé modo. Ne bihuínnirube pur cuarenta dxi nezalucaʼ. Despué laga cayuuyaʼ ca discípulo que laabe la? biásabe lu bi ne zebe guibáʼ. Chii gubidxa despué Dios bisaba espíritu santu luguiáʼ ca xpinni Cristu ni biaana cabeza Jerusalén que.

Despué la? ca xhenemigu Dios biseguyoocaʼ ca apóstol que, peru ti ángel stiʼ Dios gulee laacabe. Cani bicaalú Dios que bichácabe guié discípulo Esteban dede guti. Peru riziidinu de que Jesús gulí tobi de laacabe, ne ndiʼ nga rábinu apóstol Pablu. Chonna iza arondaʼ despué de guti Jesús que la? Dios biseenda apóstol Pedru para chiguiniʼné Corneliu, tobi ni cadi naca judíu laa ne ca binnilidxi.

Biaʼ trece iza despué Pablu bizulube primé viaje stibe de gucheechebe diidxaʼ. Lu guiropa viaje que yenebe Timoteu. Cásica para Pablu ne ca ni yenebe que la? viaje que gúcani para laacabe sicarupeʼ ne guiráʼ ni bizaacacabe laga cayúnicabe ni na Dios. Despué, Pablu bideguyoo Roma. Lu chupa iza que bireebe, peru despué biseguyoocabe laabe sti biaje ne raqué biiticabe laabe. Biaʼsi treinta y dos iza rizaa lu 7 NDAA riʼ.