Jẹ́ Kó Túbọ̀ Dá Ẹ Lójú Pé Jèhófà Máa Gbà Ẹ́ Là

Ka Nọ́ńbà 13:25–14:4 kó o lè rí ohun táwọn ọmọ Ísírẹ́lì ṣe tó fi hàn pé wọn ò gbẹ́kẹ̀ lé Jèhófà.

Bi ara ẹ láwọn ìbéèrè kan nípa ohun tó ò ń kà. Kí nìdí tó fi yẹ káwọn ọmọ Ísírẹ́lì gbẹ́kẹ̀ lé Jèhófà pé ó máa gba àwọn sílẹ̀ nígbà tí wọ́n kúrò ní Íjíbítì? (Sm. 78:12-16, 43-53) Kí ló fà á tí wọn ò fi gbẹ́kẹ̀ lé Jèhófà mọ́? (Diu. 1:26-28) Kí ni Jóṣúà àti Kélẹ́bù ṣe tó fi hàn pé wọ́n gbẹ́kẹ̀ lé Jèhófà?—Nọ́ń. 14:6-9.

Kẹ́kọ̀ọ́ jinlẹ̀. Kí ló yẹ káwọn ọmọ Ísírẹ́lì ṣe tó máa jẹ́ kí wọ́n túbọ̀ gbẹ́kẹ̀ lé Jèhófà? (Sm. 9:10; 22:4; 78:11) Tá a bá ń bọ̀wọ̀ fún Jèhófà, báwo nìyẹn ṣe máa jẹ́ ká gbẹ́kẹ̀ lé e?—Nọ́ń. 14:11.

Wá àwọn ẹ̀kọ́ inú ẹ̀. Bi ara ẹ pé:

• ‘Àwọn nǹkan wo ló lè ṣẹlẹ̀ táá fi hàn bóyá mo gbẹ́kẹ́ lé Jèhófà tàbí bẹ́ẹ̀ kọ́?’

• ‘Àwọn nǹkan wo ni mo lè máa ṣe táá fi hàn pé mo gbẹ́kẹ̀ lé Jèhófà báyìí àti lọ́jọ́ iwájú?’

• ‘Kí nìdí tí ò fi yẹ kí n bẹ̀rù tí ìpọ́njú ńlá bá bẹ̀rẹ̀?’—Lúùkù 21:25-28.