Ana Baibulo Jikusasala Yatuli?
Ana Satana ali ŵani?
ANA MPAKA AJILE KUTI Satana ali . . .
Msimu wakusakala?
Cindu cakusakala cacikusaŵa mkati mwa mundu?
Nganisyo sya mundu syakusakala?
YAJIKUSASALA BAIBULO
Satana ŵaŵecetene ni Yesu ‘paŵamlingaga.’ (Matayo 4:1-4) Yeleyi yikulosya kuti Satana nganaŵa nganisyo kapena cindu cakusakala cacikusaŵa mkati mwa mundu. Satana ali msimu wakusakala.
ANA CINE CAPI CAMPAKA TULIJIGANYE M’BAIBULO?
Pandanda pene, mkanaŵe Satana, jwalakwe ŵaliji lilayika lyambone, nambo “nganatama kumbali ja usyesyene.” (Yohane 8:44) Jwalakwe ŵaŵele jwakulambusya soni jwakwimucila Mlungu.
Malayika gane gamkuyisye Satana ni gaŵelesoni gakwimucila—Ciunukuko 12:9.
Satana atendekasisye kuti ŵandu ŵajinji akamanyilila yakuti jwalakwe apali.—2 Akolinto 4:4.
Ana Satana mpaka ŵalamulile ŵandu?
ŴANDU ŴANE AKUSATI Satana ngaŵa mkwalamulila ŵandu, soni ŵane akusajogopa misimu jakusakala. Ana wawojo akuganisya wuli?
YAJIKUSASALA BAIBULO
“Cilambo cosope cili m’miyala mwa jwakusakala jula.” (1 Yohane 5:19) Satana akusatenda yiliyose pakusaka kwasokonasya ŵandu, nambo ngaŵa kuti ni jwakusamlamulila jwalijose.
ANA CINE CAPI CAMPAKA TULIJIGANYE M’BAIBULO?
Satana akusiŵalambusya ŵandu pakusaka kwanilisya yakusaka yakwe.—2 Akolinto 11:14.
Ndaŵi sine misimu jakusakala jikusiŵalamulila ŵandu.—Matayo 12:22.
Ni cikamucisyo ca Mlungu, mpaka tukombole ‘kumkana Satana.’—Yakobo 4:7.