Mwaŵalembelaga lina lya Mlungu (mwasungwisyemo) m’mipukutu jakala ja Baibulo
Ana Baibulo Jikusasala Yatuli?
Ana Mlungu akwete lina?
ŴANDU ŴANE AKUSATI jwangali lina, ŵane akusati lina lyakwe lili Mlungu kapena Ambuje. Nambope ŵane akusati jwalakwe akwete mena gamajinji. Ana wawojo akuganisya wuli?
YAJIKUSASALA BAIBULO
“Lina lyawo ni Yehofa, ŵalakwe ali Ŵamwinani Mnope pacilambo cosope capasi cino.”—Salimo 83:18.
ANA CINE CAPI CAMPAKA TULIJIGANYE M’BAIBULO?
Atamose kuti Mlungu akwete mena gamajinji gaucimbicimbi, nambo jwalakwe akwete lina lyaŵalipele jika.—Eksodo 3:15.
Mlungu nganaŵa jwakusawusya kum’manyilila. Jwalakwe akusasaka kuti tum’manyilile.—Masengo 17:27.
Kumanyilila lina lya Mlungu kuli cindu candanda cakutukamucisya kuŵa paunasi ni jwalakwe.—Yakobo 4:8.
Ana kuli kulemwa kolanga lina lya Mlungu?
ANA MPAKA AJILE WULI?
Elo
Iyayi
Mwine
YAJIKUSASALA BAIBULO
“Mkalikamulicisya masengo lina lya Yehofa Mlungu jwenu mwangaŵajilwa.” (Eksodo 20:7) Mpaka kuŵe kulemwa naga tukamulicisya masengo lina lya Mlungu mwangalicimbicisya.—Yeremiya 29:9.
ANA CINE CAPI CAMPAKA TULIJIGANYE M’BAIBULO?
Yesu ŵalimanyililaga lina lya Mlungu soni ŵalikamulicisyaga masengo.—Yohane 17:25, 26.
Mlungu akusasaka kuti m’weji tukolanjeje lina lyakwe.—Salimo 105:1.
Acimmagongo ŵa Mlungu akusiŵatendekasya ŵandu kuti aliŵalile lina lyakwe.—Yeremiya 23:27.