Awukosechelesyeje Mtima Wawo

Patukulijiganya Baibulo tukusasaka kuti nganisyo sya Yehofa situyicheje mu mtima mwetu. Mwamti Esala jwapeleche chisyasyo chambone pangani jeleji ‘paŵasimichisye mnope mu mtima mwakwe yakulijiganya Malamusi ga AMBUJE.’ (Esa. 7:10) Ana m’weji mpaka tuwukosechelesye chamti uli mtima wetu?

Apopeleje. Ndaŵi jilijose pakulijiganya, atandeje ni kupopela. Amŵendeje Yehofa kuti ŵakamuchisye kupikanichisya soni kamulichisya masengo yalijiganyisyeyo.—Sal. 119:​18, 34.

Aŵeje ŵakulinandiya. Mlungu ayisisile yisyesyene ya m’Maloŵe gakwe kuti akayimanyilila ŵandu ŵakupoka ŵakusadalila lunda lwawo. (Luk. 10:21) Aŵambaleje kuwungunya yine yakwe pakwamba kusaka kwagomeka ŵane. Mwakulinandiya achenjeje kaganisye kawo naga ngakakukamulana ni kaganisye ka Mlungu.

Alinjeje kupikanila nyimbo ja Uchimwene. Nyimbo sikwete machili gakuwukosechelekasya mtima wetu patukusaka kulijiganya. Myoyo, kupikanila nyimbo ja Uchimwene mkanatande kulijiganya ngani jine jakwe mpaka kwakamuchisye kuwukosechelesya mtima wawo.