Ŵandu Ŵakulupichika Akusakwanilisya Yilanga Yawo

Aŵalanje Ŵakulamula 11:​30-40 kuti alole yampaka alijiganye kutyochela kwa Yefita soni mwanache jwakwe jwamkongwe pangani jakukwanilisya yilanga.

Ajimanyilile ngani josopejo. Ana Ayisalayeli ŵakulupichika ŵayiwonaga chamti uli yilanga yaŵatendaga kwa Yehofa? (Num. 30:2) Ana Yefita ni mwanache jwakwe jwamkongwe ŵalosisye chamti uli kuti ŵamkulupililaga Yehofa?—Ŵak. 11:​9-11, 19-24, 36.

Awungunyeje mwakwanila. Ana komboleka kuti Yefita jwaganichisyaga yamti uli pajwatendaga chilanga chakwe? (w16.04 7 ¶12) Ana Yefita ni mwanache jwakwe jwamkongwe ŵasosekwaga kulijima chichi kuti akwanilisye chilanga chaŵatesile Yefita? (w16.04 7-8 ¶14-16) Ana ni yilanga yine yapi yakusatenda Aklistu masiku agano?—w17.04 5-8 ¶10-19.

Aganichisyeje yakulijiganya. Mpaka aliwusye kuti:

• ‘Ana chichi champaka chingamuchisye kupitilisya kusunga chilanga changu chakulipeleka kwa Yehofa?’ (w20.03 13 ¶20)

• ‘Ana ni yindu yapi yampaka nalijime kuti ngombole kumtumichila Yehofa mwakwanila?’

• ‘Ana mpaka ndende uli kuti ngombole kupitilisya kusunga chilanga chanatesile kuti chinjiŵa jwakulupichika kwa ŵamkwangu?’ (Mat. 19:​5, 6; Aef. 5:​28-33)