Kupilila Yindu Yangali Chilungamo

Aŵalanje Genesesi 37:23-28; 39:17-23 kuti amanyilile yindu yangali chilungamo yaŵasimene nayo Yosefe soni yaŵatesile pakuyipilila.

Aganichisyeje mwakusokoka ngani jaŵalasilejo. Ligongo chichi ŵandu ŵane ŵamtendelaga Yosefe yindu yangali chilungamo? (Gen. 37:3-11; 39:1, 6-10) Ana Yosefe jwapilile kwandaŵi jelewu uli? (Gen. 37:2; 41:46) Ana pandaŵi jeleji Yehofa ŵatesile yindu yamti uli pakusaka kumkamuchisya Yosefe nambosoni jwalakwe nganatenda yindu yapi?—Gen. 39:2, 21; w23.01 17 ¶13.

Awungunyeje mwakwanila ngani josopejo. Baibulo jangasala kuti Yosefe jwaŵechete yakulichenjela pangani jaunami jaŵamlambuchisye ŵamkwakwe Potifala. Malemba gakuyichisyaga mpaka gatukamuchisye kumanyilila ligongo lyakwe Yosefe jwasagwile kuti akaŵecheta chilichose. Nambosoni ligongo chichi ngatukusosekwa kumanyilila chilichose chakwamba nganijo? (Mis. 20:2; Yoh. 21:25; Mase. 21:37) Ana ni ndamo syapi syamkamuchisye Yosefe kupitilisyape kupilila yindu yangali chilungamo?—Mik. 7:7; Luk. 14:11; Yak. 1:2, 3.

Aganichisyeje yindu yalijiganyisye soni ayikamulichisyeje masengo. Mpaka aliwusye kuti:

• Mpela jwakulijiganya jwa Yesu, Ana ni yindu yapi yangali chilungamo yampaka simane nayo? (Luk. 21:12, 16, 17; Aheb. 10:33, 34)

• Ana mpaka ngosechele chamti uli kupilila yindu yangali chilungamo? (Sal. 62:7, 8; 105:17-19; w19.07 2-7)