LAIBULALE JA PA INTANETI ja Watchtower
Sanja ja Mlonda
LAIBULALE JA PA INTANETI
Chiyao
  • BAIBULO
  • MABUKU
  • MISONGANO
  • w20 Meyi pp. 8-11
  • Achayimwene Ŵakulimbana M’masiku Gambesi

Mbali jeleji pangali fidiyo.

Pepani, pana chachitendekasisye kuti fidiyoji jikawugula

  • Achayimwene Ŵakulimbana M’masiku Gambesi
  • Sanja ja Mlonda Jakwenesya Ucimwene wa Yehofa (Jakulijiganya)—2020
  • Ngani Syakulandana ni Jeleji
  • Ana Ŵani Ŵali Mwenye jwa Kumpoto M’masiku ga Mbesi?
    Sanja ja Mlonda Jakwenesya Ucimwene wa Yehofa (Jakulijiganya)—2020
  • Ana Ŵani Ŵakwimila Mwenye jwa Kumpoto Masiku Agano?
    Sanja ja Mlonda Jakwenesya Ucimwene wa Yehofa (Jakulijiganya)—2020
  • Ana Buku ja Chiwunukuko Jikusasala Kuti Achimmagongo ŵa Mlungu Chichatendechela Chichi?
    Sanja ja Mlonda Jakwenesya Ucimwene wa Yehofa (Jakulijiganya)—2022
  • Yampaka Tutende Kuti Tupikanichisyeje Yakulochesya ya M’Baibulo
    Sanja ja Mlonda Jakwenesya Ucimwene wa Yehofa (Jakulijiganya) (2023)
Sanja ja Mlonda Jakwenesya Ucimwene wa Yehofa (Jakulijiganya)—2020
w20 Meyi pp. 8-11

Achayimwene Ŵakulimbana M’masiku Gambesi

Yakulochesya yayikolasile mu chatichi yikusala ya yindu yine yayatendekwe pandaŵi jakulandana. Yakutendekwa yosopeyi yikulosya kuti tukutama mu “ndaŵi jakumalisya.”—Dan. 12:4.

Chati chakulosya yakulochesya yakwamba mwenye jwa kumpoto soni mwenye jwa kummwela kutandila m’chaka cha 1870 mpaka m’masiku agano.
  • Chati chandanda, chikulosya yakutendekwa ya yakulochesya ya m’masiku gambesi kutandila mu 1870 mpaka mu 1918. Masiku gambesi gatandite mu 1914. Chakulochesya 1: Chilombo chakola mitwe 7 chachikuwoneka kundanda kwene kwa yaka yayili pachatichi. Pandaŵi ja Ngondo Jandanda Pachilambo Chosope, mtwe wa 7 wa chilambo wawulele. Kutandila mu 1917 mtwe wa 7 wa chilombo waposile. Chakulochesya 2: Mwenye jwa kumpoto jwamanyiche mu 1871, soni mu 1870 mwenye jwa kummwela jwamanyiche. Mwenye jwa kumpoto jwawonechelesoni mu 1871 soni jwamanyiche kuti ali Germany. Mwenye jwa kumpoto jwamanyiche soni jwaliji ulamusi wa Great Britain, nambo mu 1917 wajinjilidwe mmalo ni ulamusi wa machili wa pachilambo chosope wa Britain ni America. Chakulochesya 3: Kutandila mu 1870, Charles T. Russell ni achimjakwe ŵaliji ‘jwamtenga.’ Chakundanda kwa chaka cha 1880, magasini ja Zion’s Watch Tower jalimbikasisye ŵandu kuti alalichile ngani syambone. Chakulochesya 4: Kutandila mu 1914, ndaŵi jagungula. Namsongole ŵamlekangenye ni tiligu. Chakulochesya 5: Kutandila mu 1917, sajo sya chisyano ni litaka syawonechele. Yeleyi yajimilagasoni: Yakutendekwa ya pachilambo chosope kutandila mu 1914 mpaka mu 1918, Ngondo Jandanda ja Pachilambo Chosope. Yakutendekwa yayakwayiye ŵandu ŵa Yehofa: Kutandila mu 1914 mpaka mu 1918, Ŵakulijiganya Baibulo ŵa ku Britain ni Germany ŵaŵichidwe mundende. Mu 1918, abale ŵa ku Likulu lya Mboni sya Yehofa ku United States ŵataŵidwe.
    Chakulochesya 1.

    Lilemba Chiw. 11:7; 12:13, 17; 13:1-8, 12

    Yakulochesya “Chilombo” chiŵele chili mkulamulila chilambo kwa yaka yejinji. M’masiku gakumalisya, mtwe wakwe wa 7 ŵawuwulesye. Kaneko mtwewu waposile soni ‘ŵandu wosope” ŵachikuyaga chilombochi. Satana jwakamulichisye masengo chilombochi pakutenda ngondo ni “ŵanache wosope ŵa jwamkongwe jula.”

    Kwanilichikwa Panyuma pa Chigumula, maboma ga ŵandu ŵele ŵalisoni achimmagongo ŵa Yehofa aŵele ali mkwalamulila ŵandu. Pali pamasile yaka yejinji, pandaŵi ja ngondo jandanda ja pachilambo chosope, Ulamusi wa Britain wanandipe machili. Ulamusiwu watandilesoni kola machili pawatesile mkamulano ni United States. M’masiku gakumalisya, Satana aŵele ali mkukamulichisya masengo maboma pakwalagasya ŵandu ŵa Mlungu.

  • Chakulochesya 2.

    Lilemba Dan. 11:25-45

    Yakulochesya Kumenyana kwa pasikati pa mwenye jwa kumpoto ni jwa kummwela m’masiku gambesi.

    Kukwanilichikwa Chilambo cha Germany, chamenyene ni Britain ni America. Mu 1945 Soviet Union ni achimjakwe ŵaŵele mwenye jwa kumpoto. Mu 1991, ulamusi wa Soviet Union wamasile, soni pandaŵi jakwe, Russia ni achimjakwe ni ŵaŵaŵele mwenye jwa kumpoto.

  • Chakulochesya 3.

    Malemba Yes. 61:1; Mala. 3:1; Luk. 4:18

    Yakulochesya Yehofa ŵatumisye “jwamtenga” kuti ‘akalinganye litala’ Uchimwene wa Umesiya mkanaŵe kuwutamilikasya. ‘Jwamtengaju’ jwatandite ‘kulalichila ngani syambone kwa ŵakulaga.’

    Kukwanilichikwa Kutandila cha m’ma 1870, M’bale Russell ni achimjakwe ŵatandite kulijiganya mnope Baibulo kuti amanyilile yisyesyene yakwe yajikusajiganya. Cha m’ma 1880, jemanjaji ŵatandite kuŵecheta mnope yakuti ŵakutumichila ŵa Mlungu akusosekwa kulalichila. Jemanjaji ŵakopwesye ngani syakola mitwe jakuti, “Pakusosekwa Ŵakulalichila 1,000” soni wakuti “Ŵasagulidwe Kuti Alalichileje.”

  • Chakulochesya 4.

    Lilemba Mat. 13:24-30, 36-43

    Yakulochesya Mmagongo jwapandile namsongole mumgunda wa tiligu, mwamti jwakusile mpaka tiligu jula ngawoneka. Msyene mgundawo jwamlesile kuti akule mpaka pandaŵi jagowola. Kaneko namsongole jula ŵamlekangenye ni tiligu.

    Kukwanilichikwa Kutandila mu 1870, paliji kulekangana kwekulungwa pasikati pa Aklistu ŵasyesyene ni ŵawunami. M’masiku gakumalisya, Aklistu ŵasyesyene ŵasongangenye mumpingo soni ŵalekangenye ni Aklistu ŵawunami.

  • Chakulochesya 5.

    Lilemba Dan. 2:31-33, 41-43

    Yakulochesya Sajo sya chisyano ni litaka syasili pa chiwanichisyo chakupanganyidwa ni yindu yakulekanganalekangana

    Kukwanilichikwa Litaka likwimila ŵandu wamba ŵakulamulidwa ni Britain ni America ŵangakusasangalala ni ulamusiwu. Ulamusiwu ukusalepela kutenda yindu mwakamulana ni machili gakwe ligongo lya ŵanduŵa.

  • Chati chaŵili, chikulosya yakutendekwa ya yakulochesya ya m’masiku gambesi kutandila cha m’ma 1919 mpaka 1945. Mwenye jwakumpoto jwamanyiche kuti ali Germany mpaka chaka cha 1945. Mwenye jwa kummwela jwamanyiche kuti ali Ulamusi Wamachili wa Britain ni America. Chakulochesya 6: Mu 1919, Aklistu ŵasagulwe ŵasongangenye mu mpingo wasambano. Kutandila mu 1919, ngani syambone syatandite kulalichidwa mnope. Chakulochesya 7: Mu 1920, bungwe ja League of Nations ŵajitamilikasisye soni jatandite kukamula masengo mpaka jili jitandite ngondo jaŵili ja pachilambo chosope. Yeleyi yajimilagasoni:: Chakulochesya 1, chilombo chakola mitwe 7, chapitilisye kuwonechela. Chakulochesya 5, sajo sya chisyano ni litaka syapitilisye kuwonechela. Yakutendekwa ya pachilambopa kutandila mu 1939 mpaka 1945, ngondo jaŵili ja pachilambo chosope. Yakutendekwa yele yakwayiye ŵakutumichila ŵa Yehofa: Ku Germany kutandila mu 1933 mpaka 1945, Ŵamboni ŵakwana 11,000 ŵataŵidwe. Ku Britain kutandila mu 1939 mpaka 1945, ŵamboni sya Yehofa chiŵandika 1,600 ŵataŵidwe. Ku United States kutandila mu 1940 mpaka 1944, kwa maulendo gakwana 2,500 Ŵamboni ŵalagasidwaga ni ŵandu ŵakwimuchila.
    Chakulochesya 6.

    Lilemba Mat. 13:30; 24:14, 45; 28:19, 20

    Yakulochesya “Tiligu” ŵamsongangenye “mu ngokwe” soni “kapolo jwakulupichika ni jwalunda” ŵasagulidwe kuti aloleleje “ŵamasengo.” Ŵandu ŵatandite kulalichila ‘ngani syambone syakwamba Uchimwene pachilambo chosope chapasi.’

    Kukwanilichikwa Mu 1919 pasagulidwe kapolo jwakulupichika pasikati pa ŵandu ŵa Mlungu. Kutandila pandaŵijo, ŵakulijiganya Baibulo ŵatandite kulalichila mnope. Masiku agano, ŵa Mboni sya Yehofa akulalichila m’yilambo yakupunda 200 soni akusakoposya mabuku gakusala ya m’Baibulo m’yiŵecheto yakupunda 1,000.

  • Chakulochesya 7.

    Malemba Dan. 12:11; Chiw. 13:11, 14, 15

    Yakulochesya Chilombo chakola misengo jiŵili chalongolele ŵandu kuti “apanganye ‘chiwanichisyo cha chilombo’ soni ‘chakundidwe kupepelela lipuje ku chiwanichisyochi.’

    Kukwanilichikwa Ulamusi wamachili wa Britain ni America watamilikasisye bungwe ja League of Nations. Yilambo yine yakamulene ni bungweji. Kaneko mu 1926 mpaka 1933, mwenye jwa kumpoto jwakamulene ni bungweji. Mpela mwakusatendela ni bungwe ja United Nations, ŵandu ŵakulupililaga kuti bungwe ja League of Nations jichiyikasya mtendele pachilambo chosope, yindu yele Uchimwene wa Mlungupe ni wampaka utende.

  • Chati chatatu, chikulosya yakutendekwa ya yakulochesya ya m’masiku gambesi kutandila cha m’ma 1945 mpaka 1991. Mwenye jwa kumpoto jwamanyiche kuti ali Soviet Union ni achimjakwe mpaka mu 1991, panyuma pakwe jwaŵele Russia ni achimjakwe. Pele mwenye jwa kummwela jwaŵele Britain ni America. Chakulochesya 8: Bomba jaŵawulisye Britain ni America jajonasile yindu yejinji. Chakulochesya 9: Bungwe ja United Nations ŵajitamilikasisye mu 1945, soni jajinjile mmalo mwa bungwe ja League of Nations. Yeleyi yajimilagasoni: Chakulochesya 1, chilombo chakola mitwe 7, chapitilisye kuwonechela. Chakulochesya 5, sajo sya chisyano ni litaka, syapitilisye kuwonechela. Chakulochesya 6, mu 1945 ŵakulalichila ŵakupunda 156,000. Mu 1991, ŵakulalichila ŵakupunda 4,278,000. Yakutendakwa yayakwayiye ŵakutumichila ŵa Yehofa: Mu ulamusi wa Soviet Union kutandila mu 1945 mpaka cha m’ma 1950 Ŵamboni ŵajinji ŵatumisye ku Siberia.
    Chakulochesya 8.

    Lilemba Dan. 8:23, 24

    Yakulochesya Mwenye jwakuwoneka mwakogoya “tachijonanga mwakogoya.”

    Kukwanilichikwa Ulamusi wa Britain ni America uwuleje ŵandu ŵajinji soni ujonasile yindu yejinji. Mwachisyasyo, pangondo jaŵili ja pachilambo chosope, United States jajonasile ni mabomba gakogoya mnope chilambo chine chachaŵenganaga ni Britain ni America. Pangali mabomba gagajonasile mnope munyumamo pakulandanya ni gelega.

  • Chakulochesya 9.

    Malemba Dan. 11:31; Chiw. 17:3, 7-11

    Yakulochesya Chilombo “chechejewu” chakola misengo likumi chikukopoka kwisimbo soni chili mwenye jwa nambala 8. Buku ja Daniele jikusamkolanga mwenyeju kuti ali “chindu chakunyalaya chakuyikasya chonasiko.”

    Kukwanilichikwa Bungwe ja League of Nations jamasile pangondo jaŵili japachilambo chosope. Kaneko bungwe ja United Nations “jajinjile mmalo.” Mwakulandana ni bungwe ja League of Nations, nombe bungwe ja United Nations ŵandu akusajipaga ulemu wawukusasosekwa kupelechedwa kwa Uchimwene wa Mlungu. Bungwe ja United Nations jichijimuchila dini syaunami.

  • Chati cha mcheche, chikulosya yakutendekwa ya yakulochesya ya m’masiku gambesi soni m’masiku agano mpaka pa Alamagedo. Mwenye jwa kumpoto jwamanyiche kuti ali Russia ni achimjakwe. Mwenye jwa kummwela jwamanyichesoni kuti uli Ulamusi Wamachili wa Britain ni America. Chakulochesya 10: Ŵakulamulila chachipeleka chimanyisyo chakuti ‘tuli pamtendele ni pambone.’ Kaneko, yichitanda yisawusyo yekulungwa. Chakulochesya 11: Maboma gachijimuchila dini syosope syaunami. Chakulochesya 12: Maboma gachajimuchila ŵandu ŵa Mlungu. Ŵasagulwe ŵakusigalila chachasonganganya kwinani. Chakulochesya 13: Alamagedo. Jwakwesile pa hachi jeswela chachimalisya masengo gakwe gakwagomeka ŵandu. Kaneko chilombo chakola mitwe 7 chachichijonanga; chiwanichisyo cha mundu chachichikasa ku sajo syeŵanganyichilane chisyano ni litaka. Yeleyi yajimilagasoni: Chakulochesya 1, chilombo chakola mitwe 7, chikupitilisya kuwonechela mpaka pa Alamagedo. Chakulochesya 5, sajo sya chisyano ni litaka, sichiwonechela mpaka pa Alamagedo. Chakulochesya 6, masiku agano pana ŵakulalichila ŵakupunda 8,580,000. Yakutendekwa yayakwayiye ŵakutumichila ŵa Yehofa: Mu 2017, boma ja Russia jataŵile Ŵamboni soni kusumula ofesi janyambi.
    Chakulochesya 10 and 11.

    Malemba 1 Ates. 5:3; Chiw. 17:16

    Yakulochesya Maboma gachitanda kuŵecheta kuti “tuli pamtendele ni pambone,” kaneko “chilombo” pampepe ni “misengo likumi” yichimjimuchila “jwamkongwe jwakulijesya” soni kumjonanga. Kumala kwa yeleyi, maboma gachijonanjidwa.

    Kukwanilichikwa Maboma gachiŵechetaga kuti gatamilikasisye mtendele pachilambo. Nambo kaneko maboma gosope gagali pasi pa bungwe ja United Nations gachijonanga dini syosope syaunami. Jeleji jichiŵa ndaŵi ja kutanda kwa yisawusyo yekulungwa. Yisawusyo yekulungwayi yichimala pandaŵi jele Yesu chachijonanga chilambo cha Satanachi pa Alamagedo.

  • Chakulochesya 12.

    Malemba Esek. 38:11, 14-17; Mat. 24:31

    Yakulochesya Gogi chachajimuchila ŵandu ŵa Mlungu. Kaneko, malayika gachasonganganya “ŵasagulidwe.”

    Kukwanilichikwa Mwenye jwa kumpoto, pampepe ni maboma gosope chachajimuchila ŵandu ŵa Mlungu. Pakuchitanda kwimuchilaku, ŵasagulwe ŵakusigala chachasonganganya kwinani.

  • Chakulochesya 13.

    Malemba Esek. 38:18-23; Dan. 2:34, 35, 44, 45; Chiw. 6:2; 16:14, 16; 17:14; 19:20

    Yakulochesya “Jwakwesile” pa “hachi jeswela” jwamalisisye masengo gakwe “gakupunda” mwakumjonanga Gogi pampepe ni likuga lyakwe lyangondo. “Chilombo” chila ‘ŵachiponyisye munyasa ja moto,’ soni liganga lyakasile chiwanichisyo chila.

    Kukwanilichikwa Yesu jwali jwakulamulila mu Uchimwene wa Mlungu, chachiyika kukwakulupusya ŵandu ŵa Mlungu. Pampepe ni ŵakulamulila achimjakwe ŵakwana 144,000 soni malayika gakwe, jwalakwe chachijonanga maboma gosope gagakusalagasya ŵandu ŵa Mlungu. Kweleko kuchiŵa kumala kwa chilambo cha Satanachi.

    Mabuku ga Chiyao (2000-2026)
    Akopoche
    Ajinjile
    • Chiyao
    • Ŵagaŵile ŵane
    • Yakusaka
    • Copyright © 2026 Watch Tower Bible and Tract Society of Pennsylvania
    • Malamusi
    • Yindu Yachimsisi
    • Privacy Settings
    • JW.ORG
    • Ajinjile
    Ŵagaŵile ŵane