UMI WETU WACHIKLISTU

Ana Akukosechela Yampaka Atende Chipanje Pachisawisye?

Ngatukusasimonga ni yindu yayikutendekwa pachilambopa yayikutendekasya kuti chipanje chikajendaga chenene. Tukuŵecheta yeleyi ligongo lyakuti tukutama m’masiku gakumalisya. Nambosoni Baibulo jatukalamwisye kuti tukaŵikaga chembecheyo chetu pa “yipanje yayili yangatamilisya.” (1Ti 6:17; 2Ti 3:1) Ana yaŵatesile Mwenye Yehosafati mpaka yitukamuchisye chamtuli patukukosechela yampaka tutende chipanje pachisawisye?

Yehosafati ŵamdalile Yehofa pandaŵi jele yilambo yine yasakaga kuputana najo. (2Mb 20:9-12) Nambosoni jwalakwe jwakosechele mkanipaŵe. Jwataŵile misinda jakulimba mnope soni malo gakutama asilikali. (2Mb 17:1, 2, 12, 13) Mpela mwaŵatendele Yehosafati, uŵesoni tumdalileje Yehofa soni tukosecheleje yampaka tutende patusimene ni yindu yakusawusya.

TUKOSECHELEJE YAMPAKA TUTENDE CHIPANJE PACHISAWISYE

Alimbisyeje unasi wawo ni Yehofa: Ajikutileje ni yindu yakwete soni akulupilileje kuti Yehofa chiŵapeje yindu yakusosechela lisiku lililyose. (Mat 6:26; 1Ti 6:8) Akakundaga kuti kusosasosa yindu yakusosechela paumi kwalepelekasyeje kukuya mfundo sya m’Baibulo. (Alo 2:21) Naga yili mkuti magesi soni Intaneti kwangali, aganichisye chile yampaka atende kuti chapitilisye kuŵalanga Baibulo soni mabuku gakusala ngani sya m’Baibulo. Asunjeje mabuku gane gepulinte, soni naga yili yakomboleka atendeje dawonilodi mabukuga mkanipaŵe.

Asunjeje yindu yakusosechela: Mbiya pasitandite kusawusya anandiyeje ngongole soni kusuma yindu yangasosekwa. (Mis 22:7) Naga yili yakomboleka, asunjeje yakulya soni yindu yine yakusosechela. Pakusaka kuti akajonangaga mbiya syejinji, ŵane akusalima litimbe ni kupandagapo liponda.

ALOLELE FIDIYO JAKUTI ANA MPAKA TUKOSECHELE CHAMTULI NGOSI? KANEKO AJANJE YIWUSYO AYI:

Chiwulili cha mu fidiyo jakuti “Ana Mpaka Tukosechele Chamtuli Ngosi?” Chiwulilichi chikulosya Baibulo, chikwama cha pangosi, foni soni ŵakukamula masengo gakutaŵa.

Ana jwalijose mpaka atende chichi pakukosechela ngosi?

Your answer

Chiwulili cha mu fidiyo jakuti “Ana Mpaka Tukosechele Chamtuli Ngosi?” Abale akukamula masengo gakutaŵa kudela kwakutendekwe ngosi soni akutulusya katundu mu galimoto.

Ana mpaka tutende chichi kuti chitukombole kwakamuchisya ŵane pajichitendekwa ngosi?

Your answer