KULIPELEKA MU UTUMIKI WA MUMGUNDA | ASANGALALEJE PALI MU UTUMIKI
Amkamuchisyeje Jwakulijiganya Baibulo Kuti Alijiganyeje Pajika
Kuti ŵakulijiganya ŵetu ammanyilile chenene Yehofa ni kuŵa Aklistu ŵakulimba mwausimu pakusasosekwa yejinji. Ngani nganijigamba kuŵa pakwajiganya usyesyene wa m’Baibulo. (Mt 5:3; Ahe 5:12–6:2) Tukusosekwa kwajiganyasoni yampaka atende kuti alijiganyeje pajika.
Pagambile kutanda kumjiganya mundu, amkamuchisyeje kulola yampaka atende kuti akosecheleje lijiganyolo. (mwb18.03 6) Amlimbikasye kuti mkanatande kulijiganya pajika, atandeje kaje ni lipopelo. Nambosoni amjiganyeje yampaka atende pakukamulichisya masengo yipangiso yamakono pakulijiganya. Amsalileje mwampaka apatile yindu yasambano pa jw.org soni pa JW Broadcasting®. Amjiganyejesoni kuti aŵalanjeje Baibulo lisiku lililyose, akosecheleje misongano soni yampaka atende kuti apateje kwanga kwa yiwusyo yakusakola. Kupwatika pelepa amkamuchisyejesoni kuti aganichisyeje mwakusokoka yalijiganyisye.
ALOLELE FIDIYO JAKUTI TWAKAMUCHISYEJE ŴAKULIJIGANYA BAIBULO KUTI ALIJIGANYEJE PAJIKA, KANEKO AJANJE YIWUSYO AYI:
Ana Nita ŵamkamuchisye chamtuli Jedi kumanyilila kuti kulijiganya nganikugamba kuŵa kupata kwanga kwa yiwusyo?
Ana ni chichi chachamkamuchisye Jedi kupikanichisya kuti Yehofa akusaŵengana nikutenda chikululu?
Ŵakamuchisyeje ŵakulijiganya ŵawo kuti alijiganyeje pajika soni kuti akamulichisyeje masengo yalijiganyisye
Ana Jedi jwapikanichisye chamtuli kusosekwa kwa kuganichisya mwakusokoka yalijiganyisye?