Alijiganyeje Kukamulichisya Masengo Machili Gawo Gakumanyilila Yindu

Ŵakutenda maseŵela akusasosekwa kupitilisya kulimbisya chilu chawo kuti akomboleje chenene maseŵelago. M’wejisoni tukusosekwa kupitilisya kulijiganya kukamulichisya masengo machili getu gakumanyilila yindu. (Aheb. 5:14) Ndaŵi sine mpaka tutendeje yindu mwagamba kuya nganisyo sya ŵane, nambope tukusosekwa kulijiganya kuti tukomboleje kusagula yindu pajika. Tukuŵecheta yeleyi ligongo jwalijose jwetuwe tachilondesya yiŵatesile msyene kwa Mlungu.—Alo. 14:12.

Tukalilambusyaga kuti ligongo lyakuti twabatisidwe kalakala nikuti tusaguleje yindu mwalunda. Kuti tusaguleje yindu mwalunda tukusosekwa kumdalila Yehofa, Maloŵe gakwe soni likuga lyakwe.—Yos. 1:7, 8; Mis. 3:5, 6; Mat. 24:45.

ALOLELE FIDIYO JAKUTI “APITILISYE KUKOLA CHIKUMBUMTIMA CHAMBONE,” KANEKO AJANJE YIWUSYO AYI:

• 

  Ana Emma ŵasimene ni chakusawusya chamtuli?

• 

  Ligongo chichi ngatukusosekwa kwasalila ŵane yakutenda pangani syakwayana ni chikumbumtima?

• 

  Ana liŵasa line lyamsalile chichi Emma?

• 

  Ana Emma jwapatile kwapi mfundo syakamuchisya paŵasimene ni yakusawusya?