UMI WETU WACHIKLISTU

Asaguleje Chenene Pangani Jakumwa Ukana

Kambali ka fidiyo kakuti, ‘Kanatande Kumwa Ukana Aganichisyeje Kaje Yakuyichisya Yakwe.’ Lijoka lyelewu soni lyalikwete meno gakutema likukopoka mu ukana wanyakwile jwamlume.

Aklistu wosope akusasosekwa kulilekasya pangani jakumwa ukana. (Mis. 23:20, 29-35; 1 Akoli. 6:9, 10) Naga Mklistu asagwile kumwa ukana, akusosekwa kumwa mwangapitilila malile. Jwalakwe akusosekwa kuŵambala chisyoŵe chakumwa ukana soni aŵambaleje kwakuŵasya ŵane. (1 Akoli. 10:23, 24; 1 Tim. 5:23) Nambosoni tukusosekwa kuŵambala kwakanganichisya ŵane mnopemnope ŵachinyamata kuti amweje ukana.

ALOLELE FIDIYO JA YAKWAMBULA PA BOLODI JA MTWE WAKUTI, MKANATANDE KUMWA UKANA AGANICHISYEJE KAJE YAKUYICHISYA YAKWE, KANEKO AJANJE YIWUSYO AYI:

Ligongo chichi Aklistu wosope akusosekwa kukuya malamusi pangani jakumwa ukana?—Alo. 13:1-4
Ligongo chichi ngatukusosekwa kunda kuti ŵane atukanganichisyeje kumwa ukana?—Alo. 6:16
Ana mpaka tuŵambale chamtuli yindu yampaka yitutendekasye kumwa mnope ukana?