Yehofa Ŵamkulupwisye Yosefe

41:9-13, 16, 29-32, 38-40

Chiŵandika yaka 13, Yosefe jwalasile mpela kapolo soni mkayidi. Ndaŵi josopeji Yehofa ŵaliji mkanamkulupusye. Mmalo mwakuti adandawuleje, Yosefe jwalijiganyisye yindu yejinji kutyochela pa yindu yayamtendecheleyi. (Sal. 105:17-19) Jwalakwe jwamanyilile kuti Yehofa nganamleka. Ana Yosefe jwakombwele chamtuli kutama mwakusangalala pandaŵi jakusawusyaji?

• 

  Jwalakwe jwakamulaga masengo mwakulimbichila soni jwaliji jwakulupichika, yayatendekasisye Yehofa kumjaliwa.—Gen. 39:21, 22

• 

  Jwalakwe jwatendelega yambone ŵandu ŵane mmalo mwakuwuchisya yindu yangali chilungamo kwa ŵandu ŵakusakala.—Gen. 40:5-7

Ana yindu yaŵasimene nayo Yosefe mpaka yingamuchisye chamtuli kupilila yakusawusya yangu?

Pangwembecheya kuti Yehofa changulupusye pa Alamagedo, ana ngusosekwa kutenda yamtuli pakumalana ni yakusawusya yangusimana nayo?