Ana Maloŵe ga Mlungu Gali Mpela Chipanje kwa M’weji Chamtuli?

Mu Baibulo mwana nganisyo sya Yehofa Mlungu, jwele juŵalembile bukuji. (2 Pet. 1:20, 21) Jikusagombelechesya ya kuswejesyedwa kwa ulamusi wekulungwa mnope wa Mlungu kupitila mu Uchimwene wakwe. Nambosoni Baibulo jikusasala kuti pachangakaŵapa ŵandu wosope chachikola umi wambone. Jikusatusalilasoni ya chinonyelo cha Atati ŵetu ŵakwinani Yehofa.—Sal. 86:15.

Jwalijose akusakuwona kusosekwa kwa Maloŵe ga Yehofa mmatala gakulekanganalekangana. Ana tukusalosya kuti maloŵega gali chipanje chakusosekwa mnope mwakugaŵalanga lisiku lililyose soni kugakamulichisya masengo paumi ŵetu? Yakutenda yetu mpaka yilosye naga tukusapikana mpela muŵapikanilaga jwa masalimo juŵatite, “Nguganonyela malamusi gawo mnope.”—Sal. 119:97.

ALOLELE FIDIYO JAKUTI, JWACHIMBICHISYAGA MNOPE BAIBULO​—KAMBALI KA FIDIYO (WILLIAM TYNDALE), KANEKO AKAMBILANE YIWUSYO AYI:

• 

  Ligongo chichi William Tyndale jwagopolele mbali sine sya Baibulo?

• Ligongo chichi kulimbichila kwake kugopolela Baibulo kwaliji kwakusosekwa mnope?

• Ana mbali sine sya Baibulo syaŵagopolelaga Tyndale syajawulaga chamtuli ku England?

• Ana jwalijose mpaka alosye chamtuli kuti maloŵe ga Mlungu gali chipanje chakusosekwa mnope?