Yehofa Akusanonyela Ŵandu Ŵachasa

‘Tunaŵeje m’miyala soni kuswejesya m’chipinda chetu. Tupyajileje pamlango soni kwasa yiswani.’ Achinangolo ŵajinji akusiŵajiganya ŵanache ŵawo kuŵa ŵachasa mwakuchilu. Nambope, yiwundo yakuŵa ŵachasa yikusatyochela kwa Mlungu jwetu jwali jwamswela. (Eks. 30:18-20; Det. 23:14; 2 Akoli. 7:1) Naga katundu soni chilu chetu yikuŵa yachasa nikuti tukusamchimbichisya Yehofa. (1 Pet. 1:14-16) Nambi uli pakwamba ya nyumba syetu soni malo gakutusyungulila? Mwakulekangana ni ŵandu ŵakusagamba kwasa yindu mumsewu soni kumalo gakunguluchila, Aklistu akusosekwa kutenda yiliyose yakomboleka kuti chilambochi chiwonecheje chenene. (Sal. 115:16; Ciw. 11:18) Mpaka tulosye kuti tuli ŵachasa mwatukusatendela pakwasa yindu yamwanamwana mpela tumapepala twa maswiti, twachingamu soni mabotolo. Mu yakutenda yetu yosope tukusosekwa ‘kulosyaga kuti tuli ŵakutumicila ŵa Mlungu.’​—2Akoli. 6:3, 4.

ALOLELE FIDIYO JAKUTI, YEHOFA AKUSANONYELA ŴANDU ŴACHASA, KANEKO AJANJE YIWUSYO AYI:

• Ana ŵane akusalepela kusunga katundu jwawo mwachasa pamagongo gapi?

• Ana Chilamusi cha Mose chikusalosya chamtuli mwakusajiwonela Yehofa ngani ja chasa?

• Ana mpaka tumlumbe Yehofa mwangawonechela chamtuli?